Kriyakaumudi (Govindananda) 1.p38

1.p38

tanmandaṃ, sāgnikarttavyapārvvaṇavidhikasāṃvatsarikaśrāddhe pārvvaṇapaurṇamāsyādau 1 ca śuklakṛṣṇapakṣapuraskāreṇa vidhānābhāvāt kālavyavasthā na2 syāt | asamarthe tu pakṣabhedādasti pūrbbāparāhvavyavasthitiḥ | aśaktau tu pūrbvāhvasyotkarāvadhimaparāhvasya pūrbvāvadhiñcāha 3rauhiṇamiti rohiṇīnakṣatrasambandhinaṃ navamamuhūrttaṃ jyotiḥśāstraprasiddhaṃ pūrbvāhvaśrāddhakarttā na laṅghayet tatparato na kuryyādapraśastatvāt | evamaparāhnaśrāddhakarttā rauhiṇaṃ na laṅghayet rauhiṇāt prabhṛtyeva kuryyāt apūrvvakālasyāpraśastatvāt, tena śuklapakṣe prathamamuhūrttādūrddhvaṃ navamamuhūrttaṃ yāvat praśastaḥ kālaḥ tanmadhye pañcamamuhūrttaṃ yāvadatipraśastaḥ kṛṣṇapakṣe'ṣṭamamuhūrttādūrddhaṃ muhūrttacatuṣṭayaṃ praśastaṃ navamamuhūrttādūrddhaṃ 4muhūrttatrayamatipraśastamiti | vistārastu śrāddhakaumudyāṃ draṣṭavyaḥ | madhyāhnapitṛkṛtye tvayaṃ viśeṣaḥ | divasasyāṣṭame bhāge mandībhavati bhāskaraḥ | sa kālaḥ kutapo jñeyaḥ pitṝṇāṃ dattamakṣayam | iti śātātapavacanāt | ārabhya kutape śrāddhaṃ kuryyādārauhiṇaṃ budhaḥ | vidhijño vidhimāsthāya rauhiṇantu na laṅghayet || iti gotamavacanācca