Kriyakaumudi (Govindananda) 1.p39

1.p39

yatra dine kutaparauhiṇayorviśeṣato lābhastaddine ekoddiṣṭam | 1tathā brahmapurāṇe,– tatrāṣṭamo muhūrtto yaḥ sa kālaḥ kutapaḥ smṛtaḥ | madhyāhne sarvvadā yasmānmandībhavati bhāskaraḥ || tasmādanantaphaladastatrārambho viśiṣyate | ataeva hārītaḥ,– madhyāhnavyāpinī yā tu pūrvvā vā yadi vā parā | tasyāṃ karma prakurvvīta hrāsavṛddhī na kāraṇam || nacaitadvacanaṃ devakṛtyaviṣayamiti vācyaṃ | trimuhūrttā ca karttavyā pūrvvāhnedarśa ca vahucairityanena pitṛkṛtyamupakramya hārītenoktatvāt, saṃgrahe yugmavacanena śuklapakṣe tithirgrāhyā ityādinā ca devakṛtyasya yathāyathaṃ vyavasthāpitatvācca | anye tu pūrvvāhnamadhyāhnānuṣṭheyadevakṛtyapitṛkṛtyasādhāraṇaṃ vacanamidaṃ ayugmadevakṛtye2 pitṛkṛtye tvekoddiṣṭe śuklapakṣapāvvaṇe cobhayadine pūrvvāhnādilābhe madhyāhnayoginyāmeva tithau kāryyaṃ ubhayadine tu madhyāhnayogitithilābhe śuklakṛṣṇapakṣabhedādudayāstasambandhena vyavasthetyāṅaḥ | ubhayadine tu kutaparauhiṇayorlābheḍalābhe vā śuklakṛṣṇapakṣabhedādudayāstasambandhenaikoddiṣṭamityuktameveti | kālavivekastu ekoddiṣṭe pūrvvāhnavihitaśrāddhe ca uśanovacanādvyavasthāmāha | yathoganāḥ