Kriyakaumudi (Govindananda) 2.p102

2.p102

atra muktisnānaṃ kṛtvā candrasūryābhyāmarghyaṃ dadātītyācāraḥ| vacanañca paṭhanti| uttiṣṭha gamyatāṃ rāho tyajyatāṃ candrasaṅgamaḥ| karma 1cāṇḍālayogātthaṃ mama pāpaṃ vyapohaya || athantu grahaṇakāle, grahaṇāt pūrvvañca bhojananiṣedho ya uktaḥ sa snānādyakarttṛṇāmapi jñātavyaḥ| candrasūryyagrahe bhuktvā prājāpatyena śudhyati| tasminneva dine bhuktvā cirācācchuddhiriṣyate || iti bhavadevabhaṭṭalikhitavacane sāmānyataḥ prāyaścittopadeśāt| anyathā grahaṇakāle'pi karmākartturbhojanaprasaṅgaḥ| kiñca,— sandhyākāle yadā rāhurgrasate śaśibhāskarau| tadā divā na bhoktavyamāturastrīśiśūn vinā || iti brahmavaivarttavacane āturastrīśiśuvyatirekeṇānyeṣāṃ sarvveṣāṃ bhojananiṣedhāt| karmākartṛmātragocaraniṣedhe tu āturādipratiprasavo nopapadyeta| tathā vṛddhagotamaḥ,— sūryyagrahe tu nāśnīyāt pūrvvayāmacatuṣṭayam| candragrahe tu yāmāṃstrīn vṛddhavālāturairvinā || yāmacatuṣṭayamiti divopalakṣaṇaṃ yāmāṃstrīniti arddharātrādadha-