Kriyakaumudi (Govindananda) 5.p30

5.p30

aṣṭamyāñca navamyāñca jaganmātaramambikām| pūjayitvāśvine māsi viśoko1 jayati dviṣaḥ || nandikeśvarapurāṇe,– ārdrāyāṃ bodhayeddevīṃ mūlenaiva praveśayet | pūrvottarābhyāṃ saṃpūrvya śravaṇena visarjayet || etena navamyāṃ pūjane kārye balidānamātraṃ kartavyamiti yaduktaṃ tannirastam | saptamyāṃ patrikāpūjā aṣṭamyāṃ cāpyupoṣaṇam | pūjā ca jāgarā caiva navamyāṃ vidhivadvaliḥ | saṃpreṣaṇaṃ daśamyāntu krīr̤ākautukamaṅgalaiḥ || ityādivacanaṃ tat pūrvvavacanaikavākyatayā prabhūtabalidānavidhāyakaṃ na tu pūjāniṣedhanaṃ tatra vidhivadityanena balīnāṃ prabhūtatve'pi vidhinaiva balayo deyā na kadācidapi ālasyādivaśādavidhineti mantavyam | atra caiteṣu pūrvokteṣu anekavacaneṣu praveśanādivisarjanāntamekaṃ karma pratīyate ekaprayogopasaṃhārāt | tathāca śāradīyapūjāmabhidhāya2 kālikāpurāṇe,– kṛtvaivaṃ paramāmāpurnirvṛttiṃ tridivaukasaḥ | evamanyairapi sadā kāryyaṃ devyāḥ prapūjanam || vibhūtimapulāṃ labdhuṃ caturvargapradāyakam | yo mohādathavālasyāddevīṃ durgāṃ mahotsave | na pūjayati dambhādvā dveṣādvāpyatha bhairava