Kriyakaumudi (Govindananda) 5.p63

5.p63

ante ca aṅgapālāḥ pūjyāḥ, - aṅgādilokapālāntaṃ yajedāvaraṇānyapi | iti vacanāt | iyameva śāradīpujoktā kālikāpurāṇe | kāmākhyāpūjāyāmuktān vaṭukakṣetrapālabhairavān kecit pūjayanti | tathā tatraiva,homañca satilairājyairmāsairvātha samācaret | sa cāṣṭādhikaṃ sahasraṃ śataṃ vā durgātantramantreṇaiva kāryyaḥ | tathā pūjitaparivārāṇāmapi ekaikāhutirdeyā | viṣṇudharme,mantreṇoṅkārapūrveṇa svāhāntena vicakṣaṇaḥ | svāhāvasāne juhuyād hṛdi dhyātveṣṭadevatām || atha balidānam | kālikāpurāṇe,pakṣiṇaḥ kacchapā grāhyā matsyāḥ pañcavidhā mṛgāḥ | mahiṣo gavayo gāvaśchāgorabhro ca śūkaraḥ || khaṅgaśca kṛṣṇasāraśca godhikā sarabho hariḥ | śārdūlaśca naraścaiva svagātrarudhiraṃ tathā || caṇḍikābhairavādīnāṃ balayaḥ parikīrttitāḥ | urabhro meṣaḥ, khaṅgo gaṇḍakaḥ, hariḥ siṃhaḥ | tathā,paśūnāṃ pakṣiṇāṃ vāpi narāṇāñca viśeṣataḥ | striyaṃ na dadyāttu baliṃ datvā narakamāpnuyāt || na ca caimāsikānnyūnaṃ paśuṃ dadyācchivāvalim | na ca traipakṣikānnyūnaṃ pradyādvai patatriṇam || kāṇavyaṅgādiduṣṭantu na paśuṃ pakṣiṇaṃ tathā | chinnalāṅgūlakarṇādibhagnadantaṃ tathaiva ca || bhagnaśṛṅgādikañcaiva na dadyāttu kadācana | anuktaṃ nāpi dadyāttu tathā'jñātān mṛgadvijān