Kriyakaumudi (Govindananda) 5.p64

5.p64

balibhiḥ sādhyate muktirbalibhiḥ sādhyate divam | balidānena satataṃ jayecchatrūn nṛpān nṛpaḥ || matsyānāṃ kacchapānāñca rudhiraiḥ satataṃ śivā | māsaikaṃ tṛptimāpnoti grāhairmāsāṃśca trīnatha || mṛgāṇāṃ śoṇitairdevī gavayānāṃ viśeṣataḥ | aṣṭau māsānavāpnoti tṛptiṃ kalyāṇadā śivā || gogodhikānāṃ rudhirairvārṣikīṃ tṛptimāpnuyāt | kṛṣṇasārasya rudhiraiḥ śūkarasya ca śoṇitaiḥ || āpnoti satataṃ prītiṃ devī dvādaśavārṣikīm | ajāvikānāṃ rudhiraiḥ pañcaviṃśativārṣikīm || mahiṣāṇāñca khaḍgānāṃ rudhiraiḥ śatavārṣikīm | tṛptimāpnoti paramāṃ śārdūlarudhiraistathā || siṃhasya śarabhasyātha khagāttasya ca śoṇitaiḥ | devī tṛptimavāpnoti sahasraṃ parivatsarān || māṃsairapi tathā prītiṃ rudhirairyasya yāvatīm| pūjāsu nāmamāṃsāni dadyādvai sādhakaḥ kvacit || ṛte tu lauhitaṃ śaurṣamamṛtaṃ tattu jāyate | rohitasya ca matsasya māṃsairvārddhāṇasasya ca || tṛptiṃ prāpnoti varṣāṇāṃ śatāni trīṇi matpriyā | nareṇa balinā devī sahasraṃ parivatsarān || vidhidattena cāpnoti tṛptiṃ lakṣaṃ tribhirnaraiḥ| kuṣmāṇḍamikṣudaṇḍañca madyamāsavameva ca || ete balisamāḥ pūjyāstṛptyai chāgasamāḥ smṛtāḥ