Krityaratnakara (Candeshvara) 4.p115
Kṛtyaratnākara (Caṇḍeśvara) 4.p115
- Language
- Sanskrit
4.p115
sarvvasatvāṅgabhūtā'si sarvvaduṣṭanibarhaṇī | kurike rakṣa māṃ nityaṃ śāntiṃ yaccha1 namo'stu te || iti kurikāpūjā | rathāṅgāni gajānśca rakṣa vāri dhanāni ca | mama dehaṃ sadā rakṣa kaṭṭhāraka namo'stu te || iti kaṭṭhārakapūjā | sarvāyudhamahāmātra sarvvadevārisūdana | cāpa māṃ samare rakṣa śākaṃ śaravarairiha || dhṛtaṃ kṛṣṇena rakṣārthaṃ saṃhārārthaṃ hareṇa ca | trayomūrttigataṃ devaṃ dhanūratna namāmyaham || iti dhanuḥpūjā | dundubhe tvaṃ sapatnānāṃ ghoṣāddhṛdayakampanaḥ | bhava bhūmipasainyānāṃ tathā vijayavarddhanaḥ || yathā jīmūtaghoṣeṇa hṛṣyanti varavāraṇāḥ | tathāstu tava ghoṣeṇa harṣo'smākaṃ jayāvahaḥ || iti dundubhipūjā | ṛtabhugvasavo rudrā vāyuḥ somo maharṣayaḥ | nāga-kinnara-gandharvva-yakṣa-bhūta mahoragāḥ || pramathāśca sahādityairbhūteśā mātṛbhiḥ saha | śakrasenāpatiḥ skando varuṇaśca sthitastvayi
Linked texts (2)
- Agnipurāṇa (Nag Publishers edition, Delhi) — Sanskrit
- Bhagavantabhāskara — Nīlakaṇṭha Dīkṣita 1625, Sanskrit