Krityaratnakara (Candeshvara) 4.p116
Kṛtyaratnākara (Caṇḍeśvara) 4.p116
- Language
- Sanskrit
4.p116
kālanemivadhe yadvat tathā tripuraghātane | hiraṇyakaśiporyuddhe yuddhe devāsure tathā || śobhitā'si tathaivādya śobhasva samayaṃ smara1 | nīlāṃ śvetāmimāṃ dṛṣṭvā naśyantvāśu mamārayaḥ || iti patākāpūjā | śarmmapradastvaṃ samare varmman sainyai yaśo'dya me | rakṣa māṃ rakṣaṇīyo'haṃ tāpaneya namo'stu te || dūti varmmapūjā | prāṇān pātaya śatrostvamanayā lokamāyayā | gṛhāṇa jīvitaṃ teṣāṃ mamājñāñca vaddyatām || iti kuntapūjā | śaśāṅkakarasaṅkāśa śaṅkhaḍiṇḍīrapāṇḍara | protsāraya tvaṃ duritaṃ cāmarādivibhūṣitaḥ || yathāmbudaśchādayate śivāyaināṃ vasundharām | tathā māṃ chādaya chatra yuddhe'dhvānaṃ śataṃ sadā || iti chatrapūjā | puṇyastvaṃ śaṅkha puṇyānāṃ maṅgalānāñca maṅgalam | viṣṇunā tvaṃ dhṛto nityamataḥ śāntiṃ prayaccha me || iti śaṅkhapūjā | vijayo jayado jetā ripughātī priyaṅkaraḥ | dussaho dharmmadaḥ śāntaḥ sarvvāriṣṭavināśanaḥ
Linked texts (4)
- Bhagavantabhāskara — Nīlakaṇṭha Dīkṣita 1625, Sanskrit
- Durgābhaktitaraṅgiṇī (Vidyāpati) — Vidyāpati, Sanskrit
- Durgābhaktitaraṅgiṇī (Vīrasiṃha) — Vīrasiṃha, Sanskrit
- Kālamayūkha — Nīlakaṇṭha Dīkṣita, Sanskrit