Krityasarasamuccaya (Amritanatha Jha Sharman) 2.p23

2.p23

bhavedbudhena saṃyuktā prājāpatyarkṣasaṃyutā || api varṣaśatenāpi labhyate vā na vā vibho ? | iti tithicandrikāyāṃ pañcadharamiśralikhanam || pūrvaviddhā'ṣṭamī yā tu udaye navamī dine | muhūrttamapi saṃyuktā sampūrṇā sā'ṣṭamī bhavet | kalā kāṣṭhā muhūrttā'pi yadā kṛṣṇāṣṭamī tithiḥ | navamyāṃ saiva grāhyā syātsaptamīsaṃyutā nahi || iti padmapurāṇābhidhānāt | evameva ma0 ma0 vācaspatimiśradvaitanirṇaye, rudradharavarṣakṛtye | gauḍadākṣiṇātyagranthamātre bahuvyavasthā bodhyeti śivam | tithitvacintāmaṇau maheśaṭhakkuralikhanānnavamīyuktāyāmevāṣṭamyāñjayantīvratam| athamahālakṣmīpūjanavidhiviḥ--etadaṣṭamīmārabhyāśvinakṛṣṇāṣṭamīṃ yāvatpratyahaṃ mahālakṣmīpūjāvrataṃ kathāśravaṇaṃ ca ṣoḍaśavarṣaparyantam | atha kuśotpāṭanam (1) | bhādranāmāvāsyāyāṃ kuśotpāṭanamāha marīciḥmāse nabhasyamāvāsyā tasyāṃ darbhaśca yo mataḥ | ayātayāmāste darbhā viniyojyāḥ punaḥ punaḥ || iti | nabhasi śrāvaṇe | atrāpi śuklādiścāndramāsaḥ | tena śrāvaṇī pūrṇimottarāmāvāsyāyāṃ kuśotpāṭanamāyāti | kuśotpāṭanamantrastukuśāgre vasate rudraḥ kuśamadhye tu keśavaḥ | kuśamūle vasedbrahmā kuśalānme dehi medini ! || iti | kuśapratinidhīnāha snānasūtrabhāṣyekuśāḥ kāśāmayā dūrvā uśīrāśca sakundarāḥ | iti | kuśāḥ kuśakāryyakāriṇa iti saṃkhyāparimāṇam | niṣiddhakuśānāha laghuhārītaḥcitidarbhāḥ pathidarbhā ye darbhā yajñabhūmiṣu