Gadadharapaddhati 4.p10
Gadādharapaddhati 4.p10
- Language
- Sanskrit
4.p10
atha vrataviśeṣeṣu kālā nirūṣyante | tatra vatsarādiḥ pratipat | brāhme,- yā śuklā caitramāsasya vatsarāditithiḥ smṛtā | yā śuklā pratipaccaitramāsasya vatsarasya sā || pūrvvaviddhā na karttavyā karttavyā parasaṃyutā | nandāṃ saṃvatsarādau tu darśaviddhāṃ na kārayet || paraviddhā prakarttavyā dvimuhūrttā bhavedyadi | muhūrttameva karttavyā pratipad dvitīyānvitā || muhūrttadvitayaṃ caiva muhūrttaṃ yadi cāpare | varttate vāsare yasmin prātaḥ sābdatithi rbhavet || kārttikaśuklapratipadi balirājotsavaḥ| tatra brāhme,tasmāddyutaṃ prakarttavyaṃ prabhāte tatra mānabairityādi | sa ca pūrvaviddhāyāṃ pratipadi kāryyaḥ | pādme,- śrāvaṇī durganavamī tathā durvāṣṭamī ca yā | pūrvaviddhaiva karttavyā śivarātri rbalerdinam || iti | mādhavācāryyāstu, - balyutsavañca pūrvedyurupavāsavadācaret | iti| upavāsavat śuklapratipaḍupavāsavadityarthaḥ| evaṃ ca mādhavīye vyākhyātam| kṛṣṇapratipadi paraviddhāyāmupavāsasya siddhāntitvāt