Gadadharapaddhati 4.p14

4.p14

atha rambhātṛtīyā | bhaviṣyottare,- bhadre kuruṣva yatnena rambhākhyaṃ vratamuttamam | jyeṣṭhaśuklatṛtīyāyāṃ snātā niyamatatparā || tathāparaṃ rambhāvrataṃ tatraiva,rambhātṛtīyāṃ vakṣyāmi sarvapāpapraṇāśinīm | mārgaśīrṣe tathā māsi tṛtīyāyāṃ narādhipa || śuklāyāṃ pra histasyāya dantadhāvanapūrvakam | ityādi | upahārasaṃhāre,- saubhāgya Country purā cīrṇaṃ rambhayā rājasattama | tena rambhātṛtīyeyaṃ sarvvasaubhāgyadāyinī || sā ca pūrvaviddhā grāhyā | skānde,-bṛhattapā tathā rambhā sāvitrī vaṭapaitṛkī | kṛṣṇāṣṭamī ca bhūtā ca karttavyā sammukhī tithiḥ || brahmavaivartte,- rambhākhyāmityādi | gaurīvratam | śatānandasaṃgrahe, — guḍapūpāḥ pradātavyā māsi bhādrapade site | tṛtīyāyāṃ sarvadānaṃ vāsudevasya prītaye || umāṃ śivaṃ gaṇeśañca vidhivat pūjayanti yāḥ | gaurīvaraprasādena paraṃ saubhāgyamāpnuyuḥ || tithivaidhe paradine vratam | nātra trimuhūrttavedho'pi apekṣyate | tathā ca mādhavācāryāḥ, — muhūrttamātrasattve'pi dine gaurīvrataṃ pare | śuddhādhikāyāmapyevaṃ gaṇayogaḥ praśasyate