Gadadharapaddhati 4.p62
Gadādharapaddhati 4.p62
- Language
- Sanskrit
4.p62
punarvasubudhopetāṃ caitre māsi sitāṣṭamīm | srotaḥsu vidhivat snātvā vājapeyaphalaṃ labhet || iti | jalagaṇḍūṣe'ṣṭāśokakalikāḥ sthāpayitvābhimantraṇam | mantrastu,—tvāmaśoka harābhīṣṭa madhumāsasamudbhava | pivāmi śokasantapto māmaśokaṃ sadā kuru || imaṃ mantraṃ paurāṇikatvāt striya śūdrā api paṭheyuḥ | strībhiratra nohaḥ karttavyaḥ prakṛtāvapūrvatvāditi | jaimininyāyena prakṛtāvūhābhāvāt | etatpānasya bhojanarūpatvādaṣṭadhāvibhaktasyāhnaḥ pañcamabhāgaḥ karmakālaḥ | tatra tithivaidhe paraviddhaiva grāhyā | sāmānyaśuklāṣṭamītvāt | phalaṃ tvatra mantraliṅgāt śokābhāvaḥ | jyeṣṭhāvratādīnāmasmaddeśe samācārābhāvāt na tadvyavasthoktā