Jayasimhakalpadruma 10.p12

10.p12

ntagrahapūjanaṃ kṛtvā'gneḥ paścimedeśe upaviśya grahoddeśenānvādhāne'rkādisamiddharvā'jyāni saṃkīrtya puruṣaṃ nārāyaṇaṃ ṣoḍaśapāyasāhutibhiḥ ṣoḍaśatilākṣatāhutibhiḥ śeṣeṇa sviṣṭakṛtamityādi atra pātrāsādanaṃ praṇītānidhānānte ājyanirvāpaḥ gṛhasiddhapāyasena saha tilairyavataṇḍulaiśca ājyaparyagnikaraṇaṃ saṃmārgānte pāyasamagnāvadhiśrityābhighāryodagudvāsyā jyadakṣiṇe āsādyāgneyarcanādiājyabhāgānte yathānvādhānaṃ tyāgaḥ prāyaścittāṃnte balidānapūrṇāhutīḥ, tataḥ pūrṇapātraninayanaṃ saṃsthāpya paristaraṇavisarjanāgneyarcaṃnā| tato varuṇakalaśodakena yajamānābhiṣekaḥ|ācāryāya dhenudānam | tato vāmanasya grahāṇāṃ cottarapūjanam | ante tāḥ pratimā ācāryahaste pratipādya brāhmaṇabhojanasaṃkalpeṣvarpaṇaṃ kuryāt iti śravaṇadvādaśīvratodyāpanam | śravaṇadvādaśyāṃ janārdano nāma viṣṇuḥ pūjanīya ityanantabhaṭṭoktanirṇayasindhau | kaṭiparivartanotsavastu ekādaśyāṃ kartavyādhivāsaprasaṅgādekādaśīprakaraṇe evoktaḥ | vāmanapūjanamapi tatraiva jñeyam | asyāmeva dugdhavratasaṃkalpaḥ | taduktam-‘dugdhamāśvayuje māsi’ iti | dugdhavrate pāyasādikaṃ varjyam | dadhighṛtādayastu grāhyā eva | nanvevam ‘saṃdhinyanirdaśāvatsāgopayaḥ parivarjayet | iti saṃdhintyādikṣīraniṣedhe'pi dadhyādi grāhyaṃ syāditi cet | tatra vācanikaniṣedhasattvāt | tadāhāparārke śaṃkhaḥ-‘kṣīrāṇi yānyabhakṣyāṇi tadvikārāśane budhaḥ | saptarātravrataṃ kuryātprayatnena samāhitaḥ |’ iti | ‘vrataṃ gomūtrayāvakam’ iti nirṇayasindhau dīkṣitīye ca | iti bhādrapadaśukladvādaśī