Jayasimhakalpadruma 14.p4.21

14.p4.21

atra kṛtyaviśeṣo hemādrau-‘ sāvitrān śālihomāṃśca kuryātparvasu nityaśaḥ |' iti|sāvitrān sāvitrīdevatākān | asmiṃśca home gāyatrīmantrāḥ|anyadapi pūjāviśeṣādikaṃ mantraśāstrato'vagantavyamiti | amā guruṇā siddhā śanivāreṇa viruddhā | atraiśānyāṃ yoginīsāmmukhyādyātrā na kāryā| asyāṃ strīsevanādi na kāryam | śrīmaddillīśasenoddhaṭavikaṭabhaṭoddaṇḍamattebhasiṃhaśrvaṇḍonmādyatturuṣkakṣayitavasumatīpālane dharmarājaḥ | pautraḥ śrīkṛṣṇasiṃhakṣitipakulamaṇerviṣṇusiṃhasya putraḥ śrīmānnājādhirājo jayahariramarādhīśavatkau sukhī stāt || 1 || śrīmatpaṇḍitadevabhaṭṭatanayaḥ śrīrāghavāṅghridvaṃyadhyānāvāptasamastakāmanivahaḥ samrāṭ sa ratnākaraḥ | tuṣṭyai śrījayasiṃhavarmanṛpateḥ kalpadrume'ṣṭādaśaṃ sadgucchaṃ budhasaṃmataṃ samakaroddarśasya nirṇayakam || 2