Jayasimhakalpadruma 2.p5.8

Jayasīṃhakalpadruma 2.p5.8

Language: Sanskrit

2.p5.8

trailokye sarvatīrtheṣu snānametadudāhṛtam | upavāseṣu kartavyametaddhi vratakeṣu ca |' iti | sarvavrateṣu saṃkalpavidhirbhārate-'gṛhītvaudumbaraṃ pātraṃ vāripūrṇamudaṅmukhaḥ | upavāsaṃ tu gṛhṇīyādyathā saṃkalpayedbudhaḥ |' devalaḥ'abhuktvā prātarāhāraṃ snātvācamya samāhitaḥ | sūryāya devatābhyaśca nivedya vratamācaret|' atra prātarvratamācarediti saṃbandhaḥ | pradhānakriyānvayasyābhyarhitatvāditi vīramitraḥ | 'vrataṃ niśāmukhe grāhyaṃ bahistārakadarśanāt |' iti prakaraṇātprāyaścittaviṣayam | anyavrateṣvapi yatra pūrvadine vratagrahaṇaṃ śrūyate tatra pūrvadina eva vratagrahaṇam

Previous: 2.p5.7
Next: 2.p6
Up: 2.p5

Linked texts (2)

Devalasmṛti (fragments) — Sanskrit
Pratāpārka — Viśveśvarabhaṭṭa 1766, Sanskrit