Prataparka 2.p68

2.p68

strīvrate viśeṣo harivaṃśe - “snātvā strī prātarutthāya patiṃ vijñāpayetsatī |” tathā ‘gṛhītvaudumbaraṃ pātraṃ sakuśaṃ sākṣataṃ tathā | gośṛṃgaṃ dakṣiṇāṃ siṃcya pragṛhṇīyācca tajjalam ||” audumbaraṃ tāmramayaṃ “tato bhartuḥ satī dadyātsnātasya prayatasya ca | ātmanaścābhiṣektavyaṃ bhartuḥ śirasi tajjalam | trailokye sarvatīrtheṣu snātametadudāhṛtam || upavāseṣu karttavyaṃ etaddhi vratakeṣu ceti | sarvavrateṣu saṃkalpavidhiḥ bhārate, ‘gṛhītvaudumbara pātraṃ vāripūrṇamudaṅmukhaḥ | upavāsaṃ tu gṛhṇīyādyathā saṃkalpayedbudhaḥ |.” devalaḥ— “abhuktā prātarāhāraṃ snātvā cānyasamāhitaḥ | sūryāya devatābhyaśca nivedyavratamācaret |’” iti sambandhaḥ| pradhānakriyānvayasyābhyarhitatvāditi vīramitraḥ | “vrataṃ niśāmukhe grāhyaṃ bahistārakadarśanāt |” iti viṣṇūktam | prakaraṇāt prāyaścittaviṣayam—anyavrateṣvapi yatra pūrvadine vratagrahaṇaṃ śrūyate | tatra pūrvadina eva vratagrahaṇam