Jayasimhakalpadruma 2.p8.4

2.p8.4

dākṣiṇātyabhāṣāyāṃ “turīya” iti prasiddham | prasātī nīvāraḥ āsavamāśudhānyaphalam bālakaḥ kaṅguḥ | kātyāyanaḥ-'ājyaṃ kṣīraṃ madhu tathā madhuratrayamucyate | ' garuḍapurāṇe-'karpūramaguruścaiva kastūrī candanaṃ tathā | kaṅkolaṃ ca bhaveddībhaḥ pañcabhiryakṣakaddamaḥ |' gṛhyapariśiṣṭe-'karpūraṃ candanaṃ darpaḥ kuṅkumaṃ ca catuḥ samam | sarvagandhamiti proktaṃ samastasuravallabham |' bhaviṣyapurāṇe-'aguruḥ silhakaṃ mustā candanaṃ vṛṣaṇaṃ tathā | samabhāgaṃ ca kartavyaṃ dhūpo'yamamṛtāhvayaḥ | ' tathā-'karpūraṃ candanaṃ māṃsī tvakpatrailālavaṅgakam | aguruṃ silhakaṃ dhūpaṃ prājāpatyaṃ pracakṣate | 'silhakaṃ śilārasa iti nighaṇṭuḥ | 'ṣaḍbhāgakuṣṭhaṃ dviguṇo guḍaśca lākṣātrayaṃ pañca nakhasya bhāgāḥ | harītakī sarjarasaḥ samāṃsī bhāgaikamekaṃ trilavaṃ śilājam | ghanasya catvāri purasya caiko dhūpo daśāṅgaḥ kathito munīndraiḥ | '