Jayasimhakalpadruma 3.p28.8

3.p28.8

deśādasmādviniḥsṛtya pūjāṃ paśyantu matkṛtām |' bhūtebhya eṣa māṣabhaktabalirnamaḥ iti sapuṣpajalotsargeṇa baliṃ tebhyo dattvā ' apasarpantu te bhūtā ye bhūtā bhūmipālakāḥ | bhūtānāmavirodhena pūjākarma karomyaham |' iti paṭhitvā phaḍiti tānnapasārayet | sarṣapādrīṃśca vikiret | tadakaraṇe doṣaśravaṇāt | tathā ca kālikāpurāṇe-'sthiteṣu tatra bhūteṣu naivedyaṃ maṇḍalaṃ tathā | vilumpanti mahālubdhā na ca gṛhṇanti devatāḥ | tasmādyatnena kartavyaṃ bhūtānāmapasāraṇam |' iti | śāradātilake'vikirānvikirettatra saptasaptān śarāṇunā | lājacandanasiddhārthaphalapuṣpakuśākṣatāḥ | vikirā iti saṃproktāḥ sarvavighnavināśanāḥ |' iti | śarāṇuḥ phaḍiti astramantraḥ | sa cābhimantraṇe vikiraṇe ca | tataḥ punaḥ śākhāyāṃ pratimāyāṃ ca devīṃ saṃpūjya śrīśailetyādi 'netavyo'si mayāgaccha pūjyo durgāsvarūpataḥ |' iti durgāsvarūpatayā śākhāṃ dhyātvā gītavādyādighoṣeṇa pratimāsahitāṃ tāṃ pūjāgṛhaṃ praveśya ' āropitāsi durge tvaṃ mṛṇmaye śrīphale'pi ca | sthirā nitāntaṃ bhūtvā me gṛhe tvaṃ kāmadā bhava |' iti pūjāsthāne śobhanapīṭhopari sthirīkṛtya pūrvoktaprakāreṇa prāṇapratiṣṭhāṃ kṛtvā prāṇapratiṣṭhāmantreṇa pratiṣṭhāpya sapuṣpākṣatānādāya 'āvāhayāmyahaṃ devīṃ mṛṇmaye śrīphale tathā | kailāsaśikharāddevi vindhyādrerhimaparvatāt | āgatya bilvaśākhāyāṃ caṇḍike kuru saṃnidhim | bhagavati durge ihāgacchetyubhayorāvāhya 'sthāpitāsi mayā devi śrīphale mṛṇmaye'pi ca | āyurārogyamaiśvaryaṃ dehi devi namo'stu te|' bhagavati durge iha tiṣṭheti sthāpayitva kṛtāñjaliḥ 'durge durgasvarūpāsi suratejomahābale|