Jayasimhakalpadruma 3.p28.7

3.p28.7

saptamyāmastagāyāṃ yadi viśati gṛhaṃ patrikā śrīphalāḍhyā rājñaḥ saptāṅgarājyaṃ janasukhamakhilaṃ hanti mūlānurodhāt | tasmātsūryodayasthāṃ narapatiśubhadāṃ saptamīṃ prāpya devīṃ bhūpālo veśayettāṃ sakalajanahitāṃ rākṣasarkṣa vihāya|' iti | atha saptamyādidinatrayavihitaṃ patrikāpūjanaṃ tatkṛtyaṃ cocyate | nityavidhiṃ nirvartya pūrvanimāntritabilvasamīpaṃ gatvā saṃpūjya āgaccha varade devīti pūrvoktamantraṃ paṭhitvā prārthayet | 'bilvavṛkṣa mahābhāga sarvadā śaṃkarapriya | gṛhītvā tava śākhāṃ tu durgāpūjāṃ karomyaham | śākhācchedodbhavaṃ duḥkhaṃ na ca kārya tvayā prabho |' iti | tataḥ phaladvayayuktāṃ śobhanāparājitādiggatāmekāṃ śākhāṃ chedayet vanaspata ityanena mantreṇa | mantrastu-'vanaspate śatavalśo viroha sahastravalśāvivayaṃ ruhema | yaṃ tvāmayaṃ svadhitistejamānaḥ praṇināya mahate saubhāgyīya |' iti | kvacittu "chindhi phaṭ oṃ huṃ svāhā" iti mantraḥ | tatastāṃ śākhāmānīya gṛhāṅgaṇe pīṭhe saṃsthāpya śuddhodakena saṃstrāpya bilvaśākhāyai namaḥ iti pūjayitvā bilvaśākhāyāṃ mṛṇmayapratimāyāṃ ca devīmāvāhanapuraḥsaraṃ tathaiva pujayitvā māṣabhaktādibaliṃ ca datvā dolādinā śākhāṃ pratimāṃ ca pūjāgṛhadvāradeśamānīya tatraiva sthāpayitvā pūjāgṛhasthitāni bhūtāni bhūtebhyo nama iti gandhādibhiḥ saṃpūjya ' bhūtāḥ pretāḥ piśācāśca ye vasantyatra bhūtale | te gṛhṇantu mayā datto balireṣa prasādhitaḥ | pūjitā gandhapuṣpādyairbalibhistarpitāstathā |