Jayasimhakalpadruma 4.p100

4.p100

ścandraḥ śītāṃrequestśurujjvalaḥ | anantaraṃ samutpannā lakṣmīḥ kṣīrābdhimadhyataḥ | tayā cālokitāḥ sarve daityadānavasattamāḥ | ālokya tāñjagāmāśu viṣṇorvakṣaḥsthalaṃ śubham | vidhināviṣṇunācīrṇaṃ vrataṃ tenābdhisaṃbhavā | śarīrasthābabhūvāsya vibhramodbhrāntalocanā | kiṃ ca rājasabhāvena śakreṇaitatkṛtaṃ yataḥ | tatastribhuvanaiśvaryaṃ prāptaṃ tena maharddhimat | tamasāvṛtacittaistu saṃcīrṇaṃ daityadānavaiḥ | tena teṣāmathaiśvaryaṃ dṛṣṭanaṣṭamabhūtkila | evaṃ saśrīkamabhavatsadevāsuramānuṣam | jagacca jagatāṃ śreṣṭha vratasyāsya prabhāvataḥ |' yudhiṣṭhira uvāca-‘kathametadvrataṃ kṛṣṇa kriyate mānuṣaiḥ kadā | prārabhyate prāpyate ca sarvameva janārdana |' śrīkṛṣṇa uvāca |' yadindreṇa purā cīrṇaṃ śrīviyuktena pārthiva | śrīsamṛddhikaraṃ taddhi śṛṇu śrīpañcamīvratam | mārgaśīrṣe site pakṣe pañcamyāṃ pannagotsave | upavāsasya niyamaṃ kuryātpadmāṃ smaranhṛdi | svarṇaraupyāṃ yathāśaktyā tāmrāṃ mṛtkāṣṭhajāmatha | citrapaṭṭagatāṃ devīṃ lakṣmīṃ kṣmāpāla kārayet | padmāsanāṃ padmahastāṃ lakṣmīṃ padmadalekṣaṇām | diggajendraiḥ snāpyamānāṃ kāñcanaiḥ kalaśottamaiḥ | tato yāmatraye jāte nimnagāyāṃ gṛhe'thavā | snānaṃ kuryādasaṃbhrāntaḥ śaktavaccopacārataḥ | devānpitṝṃśca saṃtarpya tato devagṛhaṃ vrajet | tatrasthāṃ pūjayeddevīṃ puṣpaistatkālasaṃbhavaiḥ | capalāyai punaḥ pādau cañcalāyai ca jānunī | kaṭiṃ kamalavāsinyai nābhiṃ khyātyai namo namaḥ | stanau manmathavāsinyai lalitāyai bhujadvayam | utkaṇṭhitāyai kaṇṭhaṃ ca mādhavyai mukhapaṅkajam | namaḥ śriyai śiraḥ pūjyaṃ dadyānnaivedyamādarāt | phalāni ca yathālābhaṃ virūḍhaṃ dhānyasaṃcayam | tataḥ suvāsinī pūjyā kusumaiḥ kuṅkumena ca | bhojayenmadhurānnena praṇipatya visarjayet | tatastu tandulaṃ prasthaṃ ghṛtapātreṇa saṃyutam | brāhmaṇāya pradātavyaṃ sau śrīrme prīyatāmiti | nirvartyaitadaśeṣeṇa tato bhuñjīta vāgyataḥ | māsānumāsaṃ kartavyaṃ vidhinā'nena bhārata | śrīrlakṣmīḥ kamalā saṃpatpadmā nārāyaṇī tathā | tathā dhṛtiḥ smṛtiḥ puṣṭistuṣṭiḥ siddhiḥ kṣamā kramāt | māsānumāsaṃ rājendra prīyatāmiti kīrtayet | tato dvādaśake māsi saṃprāpte pañcamīdine | vastramaṇḍapikāṃ kṛtvā puṣpagandhādivāsitām | śayyāyāṃ sthāpayellakṣmīṃ sarvopaskarasaṃyutām | saubhāgyāṣṭakasaṃyuktāṃ netrapādāvṛtastanīm | saptadhānyasamopetāṃ rasadhyānasamanvitām | pādukopānahacchatrabhājanāsanasatkṛtām | devīṃ saṃpūjya vidhivadbrāhmaṇāya kuṭumbine | vyāsāya vedaviduṣe yasmai vā rocate svayam | sopaskarāṃ savatsāṃ ca dhenuṃ dattvā kṣamāpayet | kṣīrābdhima-