Jayasimhakalpadruma 4.p99

4.p99

mato mama |' kṛṣṇa uvāca-'bhṛgoḥ svātyāṃ samutpannā pūrvaṃ śrīḥ śrūyate tu yā | vāsudevāya dattā sā muninā susamṛddhinā | vāsudevo'pi tāṃ prāpya pīnonnatapayodharām|padmapatraviśālākṣīṃ pūrṇacandranibhānanām | ābhāsitadigābhogāṃ sākṣāddhānoḥprabhāmiva | nitambāḍaṃbaravatīṃ mattamātaṅgagāminīm | reme saha tayā rājanvibhramodbhrāntacittayā|sā ca viṣṇuṃ jagajjiṣṇuṃ patiṃ śrīrjagatāṃ patim | prāptā kṛtārthamātmānaṃ mene mānayaśodharā | kaṣṭanaṣṭaṃ jagatsarvamṛddhimaddhāritaṃ tayā | lakṣmyā ca pālitaṃ samyaksadṛṣṭyeva mahītalam | kṣemaṃ subhikṣamārogyaṃ kramānandamanāmayam | hṛdaye brāhmaṇairvedau bhujyate tridaśairhaviḥ | cāturvairṇyamasaṃkīrṇaṃ pālyate pārthivairnaraiḥ | virocanaprabhṛtibhirdṛṣṭaivaṃ daityasattamaiḥ | tapastaptumathārabdhamarthamāśrityasaṃyataiḥ | somasaṃsthāhaviḥsaṃsthāpākasaṃsthādibhirnaraiḥ| sadācāraiḥ samārabdhaṃ yaṣṭumucchiṣṭakāribhiḥ| evaṃ dharmapradhānaistu devairdānaratātmabhiḥ|jagadāsītsamākrāntaṃ vikrameṇa krameṇa ca | lakṣmīvilāsaprabhavo devānāṃ ca sadā madaḥ | śīlaṃ śaucaṃ ca satyaṃ ca sadyo līnamabhūddhahe | satyaśaucavihīnāṃstāndevānsaṃtyajya cañcalā | jagāma dānavakulaṃ kuladevānurāgattaḥ | lakṣmībhāvitadehaistaiḥ punaruddhatamānasaiḥ | vyavahartuṃ samārabdhamanyāyena madoddhataiḥ | vayaṃ devā vayaṃ yajñā vayaṃ viprā vayaṃ jagat | brahmaviṣṇusaśakrādyā vayaṃ sarve divaukasaḥ | ahaṃkāravimūḍhāṃstāñjñātvā dānavasattamān | sāgare saṃviveśātha bhrāntacittā bhṛgoḥ sutā | kṣīrābdhimadhyagatayā lakṣmyā kṣīṇārthasaṃcayam | nirānandaṃ hataśrīkamabhavadbhuvanatrayam | gataśrīkamathātmānaṃ matvā sa balasūdanaḥ | papracchāṅgirasaṃ vipra brūhi kiṃcidvrataṃ mama | yena saṃprāpyate lakṣmīrlabdhā na calaṃte punaḥ | niścalāpi suhṛnmitrabhogyā bhavati sā mune | na sā śrīrabhimantavyā kanyā sā pālyate gṛhe | parārthaṃ yā suhṛnmitrabhṛtyainaivopabhujyate | śakrasyaitadvacaḥ śrutvā bṛhaspatirudāradhīḥ | kathayāmāsa saṃcintya śubhaṃ śrīpañcamīvratam | yatpurā kasyacinnoktaṃ vratānāmuttamaṃ vratam | tadidaṃ kathayāmāsa sarahasyamaśeṣataḥ | tacchrutvā kartumārabdhaṃ śubhaṃ tadamaraiḥ saha | daityadānavagandharvairyakṣaiḥ prakṣīṇakalmaṣaiḥ | siddhaiḥ prasiddhacaritairviṣṇunā prabhaviṣṇunā | brāhmaṇairbrahmattatvajñaiḥ samarthaiḥ pārthivaiḥ saha | kaiścitsātvikabhāvena rājasenāparairapi | tāmasena tathā kaiścitkṛtaṃ vratamidaṃ tathā | vrate samāptabhūyiṣṭhe niṣṭhayā parayā prabho| devānāṃ dānavānāṃ ca buddhirāsīdatho hitā | nirmathya bhujavīryeṇa sāgaraṃ saritāṃ patim | samāharāmo hyamṛtaṃ hitāya tridivaukasām | ya itthaṃ samayaṃ kṛtvā mamanthurvaruṇālayam | manthānaṃ mandaraṃ kṛtvā netraṃ kṛtvā tu vāsukim | mathyamāne jalāñjāta-