Jayasimhakalpadruma 4.p66

4.p66

dānamupavāso japastathā | kriyamāṇaṃ śataguṇaṃ prasādāddantino 1 nṛpa | guḍalavaṇaghṛtānāṃ dānaṃ śubhakaraṃ smṛtam | guḍāpūpaistathā vīra puṇyaṃ brāhma na | caturthyāṃ naraśārdūla pūjanīyāḥ sadā striyaḥ | guḍairlavaṇapūjābhiḥ svasṛśvaśrūsvamātaraḥ | tāḥ sarvāḥ subhagāḥ syurvai vighneśasyānumodanāt | kanyakāśca viśeṣeṇa vidhinānena pūjayet |' iti bhaviṣyapurāṇoktaṃ śivācaturthīvratam| iti bhādraśuklacaturthīvratāni | athāśvinaśuklacaturthī nirṇayāmṛte | bhādrapadakṛṣṇanavamyāṃ pratibodhitāyā devyā aśvayukcaturthyāmabhyaṅgādisaṃskāraiḥ keśānviśodhayet | tacchuklapañcamyāṃ pūrvāhne gandhodakaistāṃ devīṃ snāpayet | tatsaptamyāṃ tāṃ bilvapatraiḥ pūjayet | aṣṭamyāmupoṣya rātrau jāgaraṇaṃ kṛtvā pratiyāmaṃ devīṃ pūjayet | tannavamyāṃ vidhivatsaṃpūjya balidānaṃ kuryāt | taddaśamyāṃ devīṃ rathamāropya gītavāditraśabdaiḥ saha nagare bhrāmayet | taduktaṃ devīpurāṇe-'kanyāyāṃ kṛṣṇapakṣe tu pūjayitvārdrabhe'pi vā |' kanyāyāṃ darśāntabhādre ityartha iti madanaratne | 'navamyāṃ bodhayeddevīṃ gītavāditranisvanaiḥ | śuklapakṣe caturthyāṃ tu devīkeśaviśodhanam | prātareva tu pañcamyāṃ snāpayetsali laiḥ śubhaiḥ | saptamyāṃ patrikāpūjā aṣṭamyāmapyupoṣaṇam | pūjā jāgaraṇaṃ caiva rathamāropya vai pure | bhrāmayet' iti | ityāśvinaśuklacaturthī | kārtikakṛṣṇacaturthī karakacaturthī | sā candrodayavyāpinī grāhyā | atra strīṇāmevādhikāraḥ tāsāmeva phalaśruteḥ | atha vratavidhiḥ | ācamya māsapakṣādyullikhya saubhāgyaputrapautrādisusthiraśrīprāptaye karakacaturthīvrataṃ kariṣye iti saṃkalpya | aśvatthaṃ vilikhya tadadhastācchivaṃ ṣaṇmukhayuktāṃ gaurīṃ ca likhitvā ṣoḍaśopacāraiḥ pūjayet | pūjāmantraḥ | 'namaḥ śivāyai śarvāṇyai saubhāgyaṃ saṃtatiṃ śubhām | prayaccha bhaktiyuktānāṃ nārīṇāṃ haravallabhe |' iti | tato namontanāmamantreṇa śivaṣaṇmukhayoḥ pūjā kāryā tataḥ pakvānnākṣatadīpayuktakarakānbrāhmaṇebhyo dadyāt | tataḥ piṣṭakanaivedyaṃ bhojyaṃ sarvaṃ nivedayet | tataścandrodayottaraṃ candrāyārghyaṃ dadyāt | atha kathā | māndhātovāca-‘arjune tu gate taptumindrakīlagiriṃ prati | viṣaṇṇamānasā subhrūrdraupadī samacintayat | aho kirīṭinā karma samārabdhaṃ mahatkila | vighnapravaṇametaddhi bahavaḥ paripanthinaḥ | cintayitveti sā devī kṛṣṇā kṛṣṇaṃ 2 jagadgurum | bhartuḥ priyaṃ cikīrṣantī sā'pṛcchadvighnavāraṇam |' draupadyuvāca | ' kathayasva jagannātha vratamekaṃ sudurlabham | yatkṛtvā