Jayasimhakalpadruma 4.p73.1

4.p73.1

sahasrāṇi tatkartāvindatephalam |' caturthī bhūmiputreṇetyādi vratamumāprakaraṇe draṣṭavyam | athātropayukto bhaumapūjāvidhilikhyate | oṃ hāṃ haṃsaḥ khaṃ kha ityanenaprāṇāyāmatrayaṃ kṛtvā asya mantrasya virūpaṛṣirgāyatrīcchando maṅgalo devatā oṃbījaṃ hāṃ śaktiḥ khaṃ kīlakam iṣṭārthe viniyogaḥ iti paṭhitvā ṛṣyādīn śiraḥprabhṛtiṣu vinyasya ṣaṅgirbījaiḥ ṣaḍaṅgāni vidhāya ' japābhaṃ śivasvedajaṃ hastapadmairgadāṃ śūlaśaktī varaṃ dhārayantam | avantīsamutthaṃ sumeṣāsanasthaṃ dharānandanaṃ raktavastraṃ samīḍe |' iti dhyātvā mānasopacāraiḥ saṃpūjya puṣpāntāṃ bāhyapūjāṃ kṛtvā ṣaṅgirvarṇaiḥ ṣaḍaṅgāni saṃpūjyaikaviṃśatitrikoṇakoṣṭheṣu maṅgalādīnpūjayet | tadyathā | maṅgalāya namaḥ , bhūmiputrāya namaḥ , ṛṇahartre namaḥ, dhanapradāya namaḥ, sthirāsanāya namaḥ, mahākāyāya namaḥ,sarvakarmāvarodhakāya namaḥ, lohitāya namaḥ , lohitākṣāya namaḥ, sāmagānāṃ kṛpākarāya namaḥ, dharātmajāya namaḥ, kujāya namaḥ, bhaumāya namaḥ, bhūtidāya namaḥ , bhūminandanāya namaḥ, aṅgārakāya namaḥ, yamāya namaḥ, sarvarogāpahārakāya namaḥ, vṛṣṭikartre namaḥ, vṛṣṭihartre namaḥ, sarvakāmaphalapradāya namaḥ | tata indrādīnvajrādīṃśca saṃpūjya dhūpādiśeṣapūjāṃ samāpayet | tato viśeṣārghyaṃ dadyāt | ' pradakṣiṇāṃ tataḥ kṛtvā visarjya dvijapuṅgava | naktamakṣāralavaṇamaśrīyāddhṛtasaṃyutam | śaktyā yastu pumānkuryādevamaṅgārakāṣṭakam | caturo vā'tha vā tasya tatpuṇyaṃ tadvadāmi te | rūpasaubhāgyasaṃpannaḥ punarjanmani janmani | vaiṣṇavo'tha śive bhaktaḥ saptadvīpādhipo bhavet |