Jayasimhakalpadruma 4.p95.2

4.p95.2

'atha pūjāvidhānaṃ ca kuryādekāgramānasaḥ | sauvarṇī pratimāṃ kṛtvā śaktyā mantraiśca pūjayet | nīlakauśeyavasanāṃ hemābhāṃ kamalāsanām | bhaktānāṃ varadāṃ nityaṃ lalitāṃ cintayāmyaham |' dhyānam-'nijāsane svaputraiśca sahite bhaktavatsale | upāṅgalalite mātardehi me vratakarmaṇi | āgaccha lalite devi sarvasaṃpattidāyinī | yāvadvrataṃ samāpyeta tāvattvaṃ saṃnidhau bhava|' hiraṇyavarṇāmityāvāhanam | 'kārtasvaramayaṃ devi nānāmaṇigaṇārcitam | 'anekaktisaṃyuktamāsanaṃ pratigṛhyatām|' tāṃ ma āvaha ityāsanam | 'gaṅgādisarvatīrthebhyo mayā prārthanayāhṛtam | toyametatsukhasparśaṃ pādyārthaṃ pratigṛhyatām |' aśvapūrṇā pādyam | 'nidhānaṃ sarvaratnānāṃ tvamanarghyaguṇā hyasi | tathāpi bhaktyā lalite gṛhāṇārghyaṃ namo'stu te |' kāṃso'smitāmityartham | 'pāṭalośīrakarpūrasurabhi svādu śītalam | toyamācamanīyārthaṃ lalite pratigṛhyatām |' candrāṃ prabhāsāmityācamanam | 'pañcāmṛtaṃ samānītaṃ payo dadhi ghṛtaṃ ca vai | śarkarāmadhusaṃyuktaṃ snānārthaṃ pratigṛhyatām |' pañcāmṛtam | 'mandākinyāḥ samānītaṃ hemāmbhoruhavāsitam | snānīyaṃ te mayā bhaktyā gāṅgaṃ svīkriyatāṃ jalam |' ādityavarṇeti snānam | 'sarvabhūṣādhike saumye loka lajjānivāraṇe | mayopapādite tubhyaṃ vāsasī pratigṛhyatām |' upaitu māmiti vastram | 'malayācalasaṃbhūtaṃ ghanasāraṃ manoharam | hṛdayānandanaṃ cāru candanaṃ pratigṛhyatām |' kṣutpipāseti candanam | ' akṣatā vimalāḥ śuddhā muktāmaṇisamaprabhāḥ | bhūpaṇārthaṃ mayā dattā dehi me nirmalāṃ dhiyam |' gandhadvārāmityakṣatān | 'mālatīketakījātitulasīcampakāni ca |