Jayasimhakalpadruma 4.p97

4.p97

atha kārtikaśuklapañcamī | asyāṃ bhaviṣyottaroktaṃ jayāpañcamīvratam | śrīkṛṣṇa uvāca--'māhātmyamapi vakṣyāmi pañcamyāstava bhārata | jayeti yā ca vikhyātā vratinā jayadāyinī | yasyāṃ jayajayāśabdaṃ kurvanti vratino budhāḥ | paripūrṇaṃ vrataṃ yasyāṃ sā jñeyā jayapañcamī | jayā ca vijayā caiva jayantī pāpanāśinī | keśavo bhagavāñchambhurgaṅgādyāḥ saritastathā | prabhāsādyāni tīrthāni jambūdvīpasarāṃsi ca | prayāgaṃ puṣkaraṃ caiva gayākṣetraṃ kurustvatha | etānyanyāni tīrthāni vratinaḥ snāpayantyuta | tasmātsarvaprayatnena snānaṃ kuryājjayādine | snehenodvartanenaiva dvijānsaṃsnāpayedbahūn | tīrthe prasravaṇe gatvā sthāpayetsajaṃyaṃ harim | śaṃkhacakragadāpāṇiṃ vāmabhāge jayā smitām | pūjayedvividhaiḥ puṣpairdhūpanaivedyajātibhiḥ | ebhirmantraistu taṃ devaṃ