Jayasimhakalpadruma 4.p98

4.p98

jayāṃ ca pratipūjayet | pādau vai padmanābhāya jānubhyāṃ mādhaveti ca | ūrū vai nārasiṃhāya meḍhre vai manmathāya ca | dāmodarāyetyudaraṃ vakṣaḥ śrīvatsadhāriṇe | śrīkaṇṭhāyeti kaṇṭhe ca bāhū sarvāstradhāriṇe | mukhaṃ padmamukhāyeti śiraḥ sarvātmane namaḥ | anena vidhinā caiva pūjayedgaruḍadhvajam | anantaraṃ tu tāṃ devīṃ veṇupātropari sthitām | jātīlatādhobhāgasthāṃ tā devīṃ pratipūjayet | namastuṣṭayai pādayugme jānubhyāṃ tu śriyai namaḥ | nandāyai kaṭideśe ca vijayāyai ca vakṣasi | śiraḥ sarvārthadāyinyai sarvāṅge vijayāṃ tathā| vidhinānena saṃpūjya arpa yedvijayāharim| oṃjayāya jayarūpāya jaya goviṃdarūpiṇe|jaya dāmodarāyeti jaya sarva namo'stu te|' ardhamantraḥ | 'veṇupātrāṇi sarvāṇi saptadhānyabhṛtāni ca | raktasūtreṇa saṃsūcya safalāni nivedayet | yathā veṇuphalaṃ dṛṣṭvā tuṣyate madhusūdanaḥ| tathā me'stu śubhaṃ sarvaṃ veṇupātrapradānataḥ|'veṇupātrapradānamantraḥ|'anena vidhinā caiva dattvā pātrāṇi gosure | rakṣābandhaṃ tataḥ kṛtvā suhṛtsvajanabandhuṣu | akṣatāḥ sarṣapā dūrvā rakṣāmadhye ca rocanāḥ | yena baddho balī rājā dānavendro mahābalaḥ | tena tvāmanubadhnāmi rakṣe mā cala mā cala |' rakṣābandhanamantraḥ | 'rakṣābandhaṃ naro yastu kuryādbhaktisamanvitaḥ| na tasya grahapīḍā syānna ca mṛtyubhayaṃ bhavet | bhūtavetālayakṣādyaiḥ piśācairnābhibhūyate | rakṣāyā bandhanaṃ kṛtvā saṃgrāmaṃ praviśettu yaḥ | jayate sa ripūnrsaṃrvāñjīyate na ca kenacit | tasmātsarvaprayatnena rakṣābandhaṃ tu kārayet | yastu vai bhaktitaḥ kṛtvā snānaṃ kuryājjayādine | kutastasyaiva pāpāni māghamāsaplave tathā | yathāśvamedhāvabhṛthaṃ tādṛśaṃ kārayedbudhaḥ | jalāñjalistu vratinā kṣipyate yasya mūrdhani | brahmahatyādipāpebhyo mucyate nātra saṃśayaḥ | aputro labhate putrānvandhyā garbhaṃ ca vindati | rogī rogairvimucyeta prayāti harimandiram |' iti kārtikaśuklapañcamyāṃ jayāvratam | mārgaśīrṣaśuklapañcamyapi nāgapañcamī | taduktaṃ hemādrau skandapurāṇe | 'śuklā mārgaśire puṇyā śrāvaṇe yā ca pañcamī | snānadānairbahuphalā nāgalokapradāyinī|' iti | iyamapi nāgapūjāyāṃ paraviddhā grāhyā | 'pañcamī nāgapūjāyāṃ kāryā ṣaṣṭhīsamanvitā | tasyāṃ tu tuṣitā nāgā' ityuktatvāt | atha mārgaśīrṣaśuklapañcamyāmārabhyaṃ bhaviṣyottaroktaṃ śrīpañcamīvratam | yudhiṣṭhira uvāca--' kathaṃ saṃprāpyate lakṣmīrdurlabhā yā'marairrvibho | dānena tapasā vāpi vratenāpi vadasva tat | japahomanamaskāraiḥ saṃskārairvā pṛthagvidhaiḥ | etadvada yaduśreṣṭha sarvavittvaṃ