Jayasimhakalpadruma 5.p22

5.p22

cchettu tattadāpnoti mānavaḥ | ya evaṃ pūjayeddūrvāṃ bhūteśaṃ mānavaḥ phalaiḥ | sa saptajanmapā paudhairmucyate nātra saṃśayaḥ | kṛtopavāsaḥ saptamyāmaṣṭamyāṃ pūjayecchivam | dūrvāsametaṃ viprendra dadhyakṣataphalaiḥ śubhaiḥ | tvaṃ dūrve'mṛtajanmāsi vanditāsi surāsuraiḥ | saubhāgyaṃ saṃtatiṃ dehi sarvakāryakarī bhava | yathā śākhāpraśākhābhirvistṛtāsi mahitale | tathā mamāpi saṃtānaṃ dehitvamajarāmaram |' dūrvāpūjāmantraḥ | 'svaliṅgamantrairīśānamarcayetprayataḥ śuciḥ | dattvā piṣṭāni viprebhyaḥ phalaṃ ca vividhaṃ prabho | tilapiṣṭakagodhūma dhānyapiṇḍāni pāṇḍava | bhojayitvā suhanmitrasaṃbandhiśvajanāṃstathā | tato bhuṃjīta taccheṣaṃ svayaṃ śraddhāsamanvitaḥ |' iti | etacca piṣṭādikamanagnipakvameva bhakṣaṇīyam | ' anagnipakvamaśnīyādannaṃ dadhiphalaṃ tathā | akṣāralavaṇaṃ brahmannaśnīyānmadhunā'nvitam |' iti bhaviṣyatpurāṇavacanāt | ' pakṣe bhādrapadasyaiva śuklāṣṭamyāṃ yudhiṣṭhira | dūrvāṣṭamīvrataṃ puṇyaṃ yaḥ karoti mahādhanaḥ | na tasya kṣayamāpnoti saṃtānaṃ saptapauruṣam | nandate vardhate nityaṃ yathā dūrvā tathā kulam | iti dūrvāṣṭamīvratam | idaṃ dūrvāvrataṃ pūrvaviddhāyāṃ kartavyam | ' śrāvaṇī durganavamī dūrvā caiva hutāśanī | pūrvaviddhā tu kartavyā śivarātrirbalerdinam |' iti bṛhadyamavacanāt | ' śuklāṣṭamī tithiyā tu māsi bhādrapade bhavet | dūrvāṣṭamī tu sā jñeyā nottarā sā vidhīyate |' iti purāṇasamuccayavacanācca | ' muhūrte rauhiṇe'ṣṭamyāṃ pūrvā vā yadi vā parā | dūrvāṣṭamī tu sā kāryā jyeṣṭhāṃ mūlaṃ ca varjayet ' ityatra yatparaviddhāyā api vidhānaṃ tatpūrvaviddhāyāḥ karmakālavyāptyabhāve, satyāmubhayatra karmakālavyāptau pūrvaviddhāyāṃ jeṣṭhāmūlādiyogaduṣṭāyāṃ ca draṣṭavyam | jyeṣṭāmūlayoge agastyodaye kanyāsthe sūrye ca tanna kartavyam | tathā ca purāṇasamuccaye-'dūrvāṣṭamī sadā tyājyā jyeṣṭāmūlarkṣasaṃyutā|paraviddhā tathā kṛṣṇā muniḥ śātātapo'bravīt |'tathā 'prāpte bhādrapade māsi śuklāṣṭamyāṃ ca bhārata | dūrvāmabhyarcayedbhaktyā jyeṣṭhāṃ mūlaṃ ca varjayet| aindrarkṣe pūjitā dūrvā hantyapatyāni nānyathā | bharturāyurrharā mūle tasmāttāṃ parivarjayet|' iti | skandapurāṇe-'śukle bhādrapade māsi dūrvāsaṃjñā tathāṣṭamī | siṃhārka eva kartavyā na kanyārke kadācana | siṃhasthe sottamā sūrye'nudite munisattama |' tathātatraivaagastya udite tāta pūjayedamṛtodbhavam | vaidhavyaṃ putraśokaṃ ca daśa janmāni pañca ca | ' iti | hemādrau laugākṣirapi--'udyānikāśivapavitrakameghapūjā dūrvāṣṭamīphala virūḍhakajāgarāṇi | strīṇāṃ vratāni nikhilānyapi vārṣikāṇi kuryādagastya udite na śubhāni lipsuḥ |' iti | hemādrau-śuklāṣṭamyāmagastyodaye bhāvini sati pūrvakṛṣṇā-