Jayasimhakalpadruma 5.p23

5.p23

ṣṭamyāmeva kuryāditi | dīpikāyāmapyevam | yadā bhādrapado'dhimāsastadā tatraiva kāryaṃ notkarṣaḥ | taduktaṃ nirṇayadīpe skānde-‘adhimāse tu saṃprāpte nabhasya udite muneḥ | arvāgdūrvāvrataṃ kāryaṃ parato naiva kutracit |’ iti | etacca vrataṃ strīṇāṃ nityam | ‘yā na pūjayate dūrvāṃ mohādiha yathāvidhi | trīṇi janmāni vaidhavyaṃ labhate nātra saṃśayaḥ | tasmātsaṃpūjanīyā sā prativarṣaṃ vadhūjanaiḥ | sukhasaṃtānajananī bhartuḥ saukhyakarī sadā |’ iti purāṇasamuccayavacane akaraṇe doṣaśravaṇāddīpsāśruteśca | ata eva jyeṣṭhāsubyogādiniṣiddhakāle'pi vratānukalpaḥ smaryate | ‘karttavyā caikabhaktena jyeṣṭhāmūlaṃ yadā bhavet | dūrvāmabhyarcayedbhaktyā na vandhyaṃ divasaṃ nayet |’ iti | atra jyeṣṭhāmūlagrahaṇaṃ sakalaniṣiddhakālopalakṣaṇam | atra caivaṃ vyavasthā | pūrvoktaniṣiddhajyeṣṭhāyogādyabhāve strībhiḥpūrvoktaprakāreṇa dūrvāṃ svayaṃ saṃpūjya piṣṭādikaṃ dattvā anagnipakvaṃ bhakṣaṇīyam | niṣiddhajyeṣṭhādiyoge tu brāhmaṇadvārā pūjāṃ kṛtvaikabhuktaṃ karttavyamiti