Krityakalpataru 5.p742

5.p742

urabhrarūpī deveṣu¹ pūjitastu jalādhipaḥ || vināyakena sṛṣṭāstu ²vāraṇādyā mahābalāḥ | kāntāradīpadānaṃ ca viṣṇunā ³saṃpravartitam || kaśyapena nikumbhasya yuddhādāgamanaṃ kṛtam | yugapattatra kartavyā dvādaśeme mahotsavāḥ || āśvayujyāṃ paurṇamāsyāṃ nikumbho vālukārṇavāt | āyāti senayā sārdhaṃ kṛtvā yuddhaṃ sudāruṇam || tasmāttatra narairmāārgāḥ svagehasya samīpagāḥ | śodhitavyāḥ prayatnena bhūṣitavyāśca maṇḍalaiḥ⁴ || ⁵puṣpārghaphalamūlānnasarṣapaprakaraistathā | veśmāni bhūṣitavyāni ⁶nānāraṅgerviśeṣataḥ || susnātairanuliptaiśca narairbhāvyaṃ sabālakaiḥ | divā tatra na bhoktavyaṃ manuṣyaiśca vivekibhiḥ || strīmūrkhavṛddhabālaiśca bhoktavyaṃ pūjitaiḥ suraiḥ | pūjyāśca saphalaiḥ puṣpaistathā dvārordhvabhittayaḥ || dvāropānte pradīpastu saṃpūjyo havyavāhanaḥ | yavākṣataghṛtopetaistaṇḍulaiścaiva tarpitaḥ || saṃpūjitavyaḥ pūrṇenduḥ payasā pāyasena ca | rudraḥ sabhāryaḥ skandaśca tathā ⁷nandī sureśvaraḥ || gomadbhiḥ surabhiḥ pūjyā chāgavadbhirhutāśanaḥ