Smrititattva 1.p2.52

1.p2.52

saṅgavālābhe pūrvadine śrāddham | “śuklapakṣasya pūrvāhṇe śrāddhaṃ
kuryyāt vicakṣaṇaḥ | kṛṣṇapakṣāparāhṇe tu rohiṇantu na laṅghayet” iti | vāyupurāṇāt ubhayadine tu tallābhe paradine
śuklapakṣe tithirgrāhyeti vacanāt evamakṣaya tṛtīyādāvapi
āṣār̤hakārttikamāghapaurṇamāsīṣu dānamāvaśyakam | tathācāyodhyākāṇḍe bharataśapathe | “āṣār̤hī kārttikī māghī
tithayaḥ puṇyasambhavāḥ | apradānavatoyāntu yasyāryyo'numato
gataḥ” || apradānavato dānarahitasya etāstithayoyāntu āryyaḥ!
śrīrāmacandrogatoyasyānugata ityarthaḥ | uttaravākye yacchabdāt
na tacchabdāpekṣā
atha kojāgarakṛtyam | kalpatarau brahmapurāṇam “āśvayujyāṃ paurṇamāsyāṃ nikumbho bālukā‌rṇavāt | āyāti senayā
sārddhaṃ kṛtvā yuddhaṃ sudāruṇam || tasmāttatra narairmāārgāḥ svagehasya
samīpataḥ | śodhitavyāḥ prayatnena bhūṣitavyāśca maṇḍanaiḥ
puṣpā‌rghyaphalamūlānnasarpapaprakaraistathā | veśmāni bhūṣitavyāni
nānāvarṇairviśeṣataḥ || susnātairanuliptaiśca narairbhāvyaṃ sabāndhavaiḥ
divā tatra na bhoktavyaṃ manuṣyeśca vivekabhiḥ || strībālamūrkhavṛddhaiśca bhoktavyaṃ pūjitaiḥ suraiḥ” || pūjitaiḥ surairiti viśeṣaṇe
tṛtīyā tena pūjitasurairityarthaḥ “pūjyāśca saphalaiḥ puṣpaistathā
dvārorddhabhittayaḥ | dvāropānte sudīptastu saṃpūjyo havyavāhanaḥ
yavānnataghṛtopetaistaṇḍulaiśca sutarpitaḥ | saṃpūjitavyaḥ pūrṇenduḥ
payasā pāyasena ca || skandaḥ sabhāryyaskandaśca tathā nandīśvaro
muniḥ | gomadbhiḥ surabhiḥ pūjyā chāgavadbhirhutāśanaḥ || urabhravadbhirvaruṇo gajavadbhirvināyakaḥ | pūjyaḥ sāśvaiśca revanto yathā