Madanaparijata 10.p1.21

10.p1.21

vilvāmalakamṛdvīkaṃ panasāmrātadār̤imam
bhavyaṃ pārāvatākṣoṭakharjūraṃ girisaṃbhavam
kaseruḥ kovidāraśca tālakandastathā visam
tamālaṃ śatukandañca tathā vai śītakandalī
kāleyaṅgālaśākañca suniṣaṇṇā suvarcalā
māṃsaṃ śākaṃ dadhi kṣīraṃ śastaṃ vetrāṅkurastathā
kaṭphalaṃ kauṅkanī drākṣā lakucaṃ mocameva ca
alāva graivakaṃ cāru karkandhurmadhusāhvayam
karkandhugraivakaṃ cārutindukaṃ madhusāhvayam
vaikaṅkataṃ nārikelaṃ śṛṅgāṭakaparūṣakam
pippalī maricañcaiva paṭolaṃ bṛhatīphalam
evamādīni cānyāni svādūni madhurāṇi ca
nāgaraṃ cātra vai deyaṃ dīrghamūlakameva ca
rājastu smṛtimañjaryyāmanyathā vyācakhye| kṛṣṇāḥ kṛṣṇagaurākhyāḥ
ṣaṣṭikaśāliprabhedāḥ gauraṣaṣṭikāḥ śvetā lohabālākhyāḥ śālayo
lauhāḥ| mṛdvīkā gostanī drākṣā| bhavyaṃ pārāvataṃ kṛtamālaviśeṣaḥ| ākṣoṭakaṃ kāśmīraprasiddhamphalam| girisambhavaṃ
pīluphalam| kaseruḥ kūlajo mūlaviśeṣaḥ| kovidāraṃ śvetakāñcanārasadṛśam| tālakando bālamūlī| śatabandaṃ śatāvarī
śītakandalī śālūkam| kāleyaṃ karālākhyaṃ śākam| suniṣaṇṇā
cāṅgerīsadṛśaṃ śākam | yadā māṃsāttamiti pāṭhastadā suvarcalādayaḥ śākaviśeṣāḥ| kauṅkanadeśodbhavā kauṅkanī drākṣā
mocaṃ kadalīphalam| karkandhurbadarīviśeṣaḥ| śṛṅgāṭakaṃ jalodbhavamūlaphalaviśeṣastatsāhacaryyāt parūṣakamapi| tathaiva nāgaraṃ śuṇṭhī
itaranāmānyapyabhidhānato deśaviśeṣanivāsibhiścāvagantavyāni
evamādīnyanyānyapi vihitāni smṛtyantarato'vagantavyāni
atha varjyāni
tatra śaṅkhaḥ
bhūtṛṇaṃ surasaṃ śiyraṃ† pālakaṃ madhukaṃ tathā
kūṣmāṇḍālābuvārttākukauvidārāṃśca varjjayet