Madanaparijata 10.p1.22

10.p1.22

pippalī maricañcaiva tathā vai piṇḍamūlakam
kṛtañca lavaṇaṃ sarvvaṃ vaṃśāgrañca vivarjjayet
āsanārūḍhamannādyaṃ pādopahatameva ca
amedhyajaṅgamaiḥ sṛṣṭaṃ śuṣkaṃ paryuṣitañca yat
dvisvinnaṃ paridagdhañca tathaivāśrāvalehitam
śarkarākīṭapāṣāṇaiḥ keśairyaccāpyupadrutam
piṇyākaṃ mathitañcaiva tathātilavaṇañca yat
siddhāḥ kṛtāśca ye bhakṣyāḥ pratyakṣalavaṇīkṛtāḥ
vahyāvadṛṣṭāśca tathā duṣṭaiścopahatāstathā
vāsasā cāvadhūtāni varjyāṇi śrāddhakarmaṇi
rājamāṣāstathā caiva varjyāḥ sadbhiḥ prayatnataḥ
āvikaṃ mārgamauṣṭrañca sarvvamekaśaphañca† yat
māhiṣaṃ cāmaraṃ‡caiva payo varjyaṃ vijānatā
atha brāhmaṇaparīkṣā
dūrādeva parīkṣeta brāhmaṇaṃ vedapāragam
tīrthaṃ taddhavyakavyānāṃ pradāne so'tithiḥ smṛtaḥ
sahasrāṇi sahasrāṇāmanṛtaṃ yatra bhuñjate
ekastanmātravitprītaḥ sarvvānarhati dharmmataḥ
jñānotkṛṣṭāya deyāni kavyāni ca havīṃṣi ca
na hi hastāvasṛgdigdhau rudhireṇaiva śudhyataḥ†
na brāhmaṇaṃ parīkṣeta daive kammaṇi dharmmavit
pitrye kammaṇi samprāpte parīkṣeta prayatnataḥ
atha paṅktipāvanāḥ
tatra manuḥ
agryāḥ sarveṣu vedeṣu sarvapravacaneṣu ca
śrotriyānvayajāścaiva vijñeyāḥ paṅktipāvanāḥ
triṇāciketaḥ pañcāgnistrisuparṇaḥ† ṣar̤aṅgavit
brāhmadeyānusantāno dharmavijjyeṣṭhasāmagaḥ‡
vedārthavinnavaktā ca brahmacārī sahasradaḥ
śatāyuścaiva vijñeyā brāhmaṇāḥ paṅktipāvanāḥ
yaśca vyākurute vācaṃ yaśca mīmāṃsate'dhvaram
sāmasvaravidhiśrca vijñeyāḥ paṅktipāvanāḥ
yatistu sarvvaviprāṇāṃ sarvveṣāmagrabhugbhavet
gṛhasthānāṃ sahasreṇa vānaprasthaśatena ca
brahmacārisahasreṇa yogī eko viśiṣyate