Madanaparijata 9.1.1

9.1.1

atha garbhādhānam
tatra viṣṇupurāṇe
ṛtāvuṣagamaḥ śastaḥ svapantyāṃ mantrato dvijaḥ | iti
mantra iti dvijātiviṣayaḥ | tatra mantrā gobhilīktāḥ
ūrddhaṃ trirātraṃ sambhave ityeke | yadattumatī bhavatyuparataśoṇitā
tadā sambhavakāle ityupakramya dakṣiṇena pāṇinā upasthamabhimṛśet | viṣṇuryoniṃ kalpayatvityetayarcā garbhaṃ dhehi sinībālīti ca samāvacau sambhavataḥ
strīṇāṃ bahutve ṛtuyaugapadye gamanakramamāha
devalaḥ
yaugapadye tu tīrthānāṃ viprādikramaśo vrajet
rakṣaṇārthamaputrāṇāṃ grahaṇakramaśo'pi ca || iti
tīrthamṛturviprādikramo varṇakramaḥ grahaṇakramo vivāhakramaḥ
nanu varṇakrameṇaiva vivāho'pīti punarapi grahaṇakramopādānamanarthakamiti cennaivaṃ prathamataḥ svajātyādikrameṇor̤hadārasya
daivādanyataravarṇadārāntaritasya punastadvarṇakanyakāpariṇītasya
savarṇaputravato dāreṣu ṛtukālayaugapadye vivāhakrameṇa gamanaṃ
niyamyata iti grahaṇakramopādānasya sārthaṃkatvāt
ṛtusnātāntu yo bhāryyāṃ sannidhau nopagacchati
ghorāyāṃ bhrūṇahatyāyāṃ yujyate nātra saṃśayaḥ
yaḥ svadārāmṛtusnātāṃ susthaḥ sannopagacchati
jyeṣṭhena jātamātreṇa putrī bhavati mānavaḥ
yasminnṛṇaṃ sannayati yena cānantyamaśnute
sa eva dharmajaḥ putraḥ kāmajānitarānviduriti
atha puṃsavanam
garbhādhānamṛttau puṃsaḥ savanaṃ spandanātpureti
māse dvitīye vā yadahaḥ puṃsāṃ nakṣatreṇa candramāḥ syāditi
puṃsāṃ nakṣatreṇa puṃnakṣatreṇa tāni ca ratnakoṣe darśitāni
hasto mūlaṃ śravaṇaḥ punarvvasurmṛgaśirastathā
puṣyaḥ puṃsaṃjñiteṣu kāryyeṣu hyetāni śubhāni dhiṣṇyānīti
bṛhaspatistu jātagarbhe spandane puṃsavanamāha