Madanaparijata 9.1.2

9.1.2

savanaṃ spandite śiśrāviti
atra yathāśākhaṃ vyavasthā
atha sīmantonnayanam
prathame garbhe caturthe māsīti
atha sīmantonnayanaṃ māsi caturthe ṣaṣṭhe pañcame veti
tṛtīye garbhamāse tu sīmantonnayanaṅkārayet | iti
āpūryyamāṇe pakṣe yadā puṃsāṃ nakṣatreṇa candramā yuktaḥ
syāditi puṃsavanasīmantonnayane strīsaṃskārau
ataeva sakṛtkarttavyāviti kecana
puṃsavanasīmantonnayanamprathamagarbhe | iti
tathāca devalo'pi
sakṛcca saṃskṛtā nārī sarvvagarbheṣvapi saṃskṛteti
hārītaḥ
sakṛtsaṃskṛtasaṃskārā sīmantena dvijastriyaḥ†
yaṃ yadgarbhaṃ prasūyante sa garbhaḥ‡ saṃskṛto bhavet || iti
viṣṇuḥ
sīmantonnayanaṅgarbhaṃ na strīsaṃskāra dūṣyate
keci§dgarbhasya saṃskārādgarbhaṅgarbhamprayuñjate|| iti
atrāpi svasvagṛhyānusāreṇa vyavasthā
akṛtasīmantāyāḥ prasave satyavratoktau viśeṣaḥ
strī yadā'kṛtasīmantā prasūte tu kathañcana
gṛhītaputrā vidhivatpunaḥ saṃskāramarhati || iti
atha jātakarma
tatra viṣṇuḥ
jātakarmma tataḥ kuryyātputre jāte yathoditam | iti
yathoditaṃ svasvagṛhyoktavidhinetyarthaḥ | tacca snānānantaram
jāte putre pituḥ snānaṃ sacelantu vidhīyate
iti saṃvarttasmaraṇāt | etacca snānaṃ rātrāvapi bhavati
yathāha vyāsaḥ
rātrau snānaṃ na kurvīta dānañcaiva viśeṣataḥ
naimittikantu kurvīta snānandānañca rātriṣu || iti
naimittikadānānyapi sa evāha
grahaṇodvāhasaṃkrāntiyātrārttiprasaveṣu ca
dānaṃ naimittikaṃ jñeyaṃ rātrāvapi na duṣyati
jātakarma ca nābhinālabhedanāt pūrvvameva
tathāca manuḥ
prāṅnābhivarddhanātpuṃso jātakarma vidhīyate | iti
jaiminiḥ
yāvanna chidyate nālaṃ tāvannāpnoti sūtakam