Maharnava (Mandhata) 8.p11

8.p11

chandaḥ || śrīviṣṇuḥ paramātmā devatā || abhilaṣitārthe viniyogaḥ || saṅkarṣaṇa uvāca || ‘ mamāgrataḥ sadā viṣṇuḥ pṛṣṭhataścāpi keśavaḥ | govindo dakṣiṇe pārśve vāme ca madhusūdanaḥ || upariṣṭāttu vaikuṇṭho vārāhaḥ pṛthivītale | avāntaradiśo yāḥ syu stāsu sarvāsu mādhavaḥ || gacchatastiṣṭhato vāpi jāgrataḥ svapatopi vā | narasiṃhakṛtā gupti rvāsudeva mayodyayam || avyaktaṃ cāsya yoniṃ vadanti vyaktaṃ dehaṃ dīrghamāyurgataṃ ca | vahirvaktraṃ candrasūryau ca netre diśaḥ śrotre ghrāṇamāhuśca vāyum || vācaṃ vedā hṛdayaṃ nabhaśca pṛthvīpādau tārakā romakūpāḥ | sāṅgopāṅgānyādhidevatāśca vidyā hyupasthaṃ hi tathā samudram || taṃ devadevaṃ śaraṇaṃ prajānāṃ yajñātmakaṃ sarvalokapratiṣṭham | ajaṃ vareṇyaṃ varadaṃ variṣṭhaṃ brahmāṇamīśaṃ puruṣaṃ namaste || ādyaṃ puruṣamīśānaṃ puruhūtaṃ puruṣṭutam | ṛtamekākṣaraṃ brahma vyaktāvyaktaṃ sanātanam || mahābhāratamākhyānaṃ kurukṣetraṃ sarasvatīm | keśavaṃ gāṃca gaṅgāṃ ca kīrtayannāvasīdati || oṃ bhūḥ puruṣāya puruṣarūpāya vāsudevāya namo namaḥ || oṃ bhuvaḥ puruṣāya puruṣarūpāya vāsudevāya namo namaḥ || oṃ suvaḥ puruṣāya puruṣarūpāya vāsudevāya namo namaḥ || oṃ bhūrbhuvaḥ svaḥ puruṣāya puruṣarūpāya vāsudevāya namo namaḥ || vāsudevāya puruṣāya puruṣarūpāya vāsudevāya namo namaḥ || oṃ saṅkarṣaṇāya puruṣāya puruṣarūpāya vāsudevāya namo namaḥ || oṃ pradyumnāya puruṣāya puruṣarūpāya vāsudevāya namo namaḥ || oṃ aniruddhāya puruṣāya puruṣarūpāya vāsudevāya namo namaḥ || oṃ keśavāya puruṣā(ya puruṣarūpāya) vāsudevāya namo namaḥ || oṃ nārāyaṇāya puruṣāya puruṣarūpāya vāsudevāya namo namaḥ || oṃ prabhāvodbhavāya (puruṣāya) puruṣarūpāya vāsudevāya namo namaḥ || oṃ mādhavāya puruṣāya puruṣarūpāya vāsudevāya namo namaḥ || oṃ govindāya puruṣāya puruṣarūpāya vāsudevāya namo namaḥ || oṃ viṣṇave puruṣāya puruṣarūpāya vāsudevāya namo namaḥ || oṃ madhusūdanāya puruṣāya puruṣarūpāya vāsudevāya namo namaḥ || oṃ trivikramāya puruṣāya puruṣarūpāya vāsudevāya namo namaḥ || oṃ vāmanāya puruṣāya puruṣarūpāya vāsudevāya namo namaḥ || oṃ śrīdharāya puruṣāya puruṣarūpāya vāsudevāya namo namaḥ || oṃ hṛṣīkeśāya puruṣāya puruṣarūpāya vāsudevāya namo namaḥ || oṃ padmanābhāya puruṣāya puruṣarūpāya vāsudevāya namo namaḥ || oṃ dāmodarāya puruṣāya puruṣarūpāya vāsudevāya namo namaḥ || oṃ satyāya puruṣāya puruṣarūpāya vāsudevāya namo namaḥ || oṃ īśānāya puruṣāya puruṣarūpāya vāsudevāya namo namaḥ || oṃ tatpuruṣāya puruṣarūpāya vāsudevāya namo namaḥ || oṃ satpuruṣāya puruṣarūpāya vāsudevāya namo namaḥ || oṃ prabhāvenduviṣṇusahasranetrāya puruṣāya puruṣarūpāya vāsudevāya namo namaḥ || ya idaṃ viṣṇuhṛdayamadhīte brahmahatyāpūto bhavati || surāpānātpūto bhavati || suvarṇasteyātpūto bhavati || patitasambhāṣaṇātpūto bhavati || asatya saṃbhāṣaṇātpūto bhavati || agamyāgamanātpūto bhavati || vṛṣalāgamanātpūto bhavati || apeyapeyātpūto bhavati || abhakṣyabhakṣaṇātpūto bhavati || abrahmacārī brahmacārī bhavati || etena kratuśatasahasreṇeṣṭaṃ bhavati || gāyatryāḥ ṣaṣṭhi śatasahasrāṇi japtāni bhavanti || catvāro vedāścādhītā bhavanti || sarveṣu deveṣu jāto bhavati || sarveṣu tīrtheṣu snāto bhavati || yadi kasyacinnabrūyācchtrī bhavati || aṣṭau brāhmaṇān grāhayitvā viṣṇalokamavāpnoti || mānase na mṛtyurbhaviṣyati na naśyati mantraḥ || yatra yatrecchettatra tatropajāyate || smarati cātmānaṃ bhagavān mahāviṣṇurityāha” || iti viṣṇuhṛdaya stotraṃ samāptam