Maharnava (Mandhata) 8.p12
Mahārṇava (Māndhātā) 8.p12
- Language
- Sanskrit
8.p12
atha vināyaka śānti paddhatiḥ || śātātapīya karmavipākapuribhāṣāyāṃ pūrvaṃ ślokadvayaṃ pradarśitam || tadyathā || “rudrajapo lakṣapuṣpaiḥ pūjayitvā tryambakam | ekādaśajapādrudrā daśāṃśaṃ guggulena tu || hutvā'bhiṣecanaṃ kuryānmantrairvāruṇadaivataiḥ | śāntike gaṇaśāntiśca grahaśāntikapūrvaka” miti || tathā rogapratimādānavidhyanantaraṃ aparaḥ ślokaḥ pradarśitaḥ || “dānairdayādibhirapi dvijadevatāgo devārcanāpraṇatibhiśca japaistapobhiḥ | ityuktapuṇyanicayairapanīyamānāḥ prāk pāpajātamaśubhaṃ praśamaṃ nayanti” || etacchlokatraya vyākhyāna prasaṅgena vedapārāyaṇavidhyādayo viṣṇuhṛdayastotra paryantāḥ pradarśitāḥ || atha ‘śāntike gaṇaśāntiśca grahaśāntikapūrvaka’ mityanena vināyakaśāntirnavagrahaśāntiścetyubhayamupalakṣitam || tatra gaṇaśāntirabhidhīyate || yājñavalkyaḥ || “ vināyakaḥ karmavighna siddhyarthaṃ viniyojitaḥ | gaṇānāmādhipatye ca rudreṇa brahmaṇā tathā ||” evaṃ vināyakasyādhikāraṃ vyāpāramabhidhīyate | na gṛhītasya svapnadarśanāni pratyakṣadarśanāni cāha || “ tenopasṛṣṭoyastasya lakṣaṇāni nibodhata | svapne'vagāhate'tyarthaṃ jalaṃ muṇḍāṃśca paśyati || kāṣāyavāsasaścaiva kravyādāṃścādhirohati | antyajairgardabhairuṣṭraiḥ sahaikatra ca tiṣṭhati
Linked texts (9)
- Nāradapurāṇa — Vyāsa, Sanskrit
- Garuḍapurāṇa — Vyāsa, Sanskrit
- Yājñavalkyasmṛti — Yājñavalkya, Sanskrit
- Vidhānamālā (Nṛsiṃha) — Nṛsiṃha, Sanskrit
- Madanamahārṇava (Kṣemendra) — Kṣemendra, Sanskrit
- Madanamahārṇava (Māndhātṛ) — Māndhātṛ, Sanskrit
- Mahārṇava (Viśveśvarabhaṭṭa) — Viśveśvarabhaṭṭa, Sanskrit
- Mahārṇava (Pṛthvīmallarāja) — Pṛthvīmallarāja, Sanskrit
- Śāntimayūkha — Nīlakaṇṭha Dīkṣita 1625, Sanskrit