Nrisimhaprasada p121

p121

“cāṇḍālabhāṇḍe saṃspṛṣṭaṃ pītvā kūpagataṃ jalam | gomūtrayāvakāhārastrirātreṇaiva śuddhayatī”ti || nadīnāṃ cāṇḍālabhāṇḍādisparśe'pi doṣābhāva eva | “nadī vegena śuddhayati” iti smaraṇāt | carmakośastu kāṣāyadravyeṇa śuddhaṃ syāt | yadyapi carmakoṣasya śuddhiḥ kathañciducyate tathāpi carmakośagatamudakamanāpadi na grāhyaṃ na peyam | “prapāsvaraṇye ghaṭagandhakūpe droṇyāṃ jalaṃ kośagatāstathā''paḥ | ṛte'pi śūdrāttadapeyamāhurāpadgataḥ kvāpi tathā pibettat” || amamatra vākyārthaḥ-anāpadi brāhmaṇasambandhi prapādigataṃ jalaṃ na pibet | āpatkāle tu araṇyagataprapāsu peyamityarthaḥ | sarvasādhāraṇī pāṣāṇādikṛtā pātrī droṇī koṣa iti | navodakaṃ daśarātreṇa śuddhayati | “ajā gāvo mahiṣyaśca brāhmaṇyaśca prasūtikaḥ | daśarātreṇa śuddhayanti bhūmiṣṭhaṃ ca navodakami”ti smṛteḥ | ātmaśayyetyādivacanāt udakapātraṃ svīyameva śuddhaṃ tadeva grāhyaṃ, ātmīyaśayyādyabhāve parakīyamapi vastrādinā'ntarddhāya bhoktavyam | patitādeḥ śayyādisparśe sacailasnānam | iti śrīmallakṣmīnṛsiṃhacaraṇayugalasaroruhabhramarasakalabhūmaṇḍalamaṇḍanasamastayavanādhīśvaraśrīnijāmasāhasamastasāmrājyadhurandharaśrīmanmahārājaśrīdalapatirājaviracite śrīnṛsiṃhaprasāde śrāddhasāra udakaśuddhiḥ | atha suvarṇādiśuddhiḥ | tatra manuḥagneścāpāṃ ca saṃyogāt hema rūpyaṃ ca nirbabhau | tasmāttayoḥ svayonyaiva nirṇeko guṇavattara" iti | tathāca śātātapaḥ"sauvarṇaṃ rājataṃ vāpi śuddhapātraṃ tu na tyajet | itareṣāṃ tu śuddhiḥ syāttāpalekhana mārjanaiḥ || hārītaḥadbhiḥ kāñcanarājataśaṅkhaśuktīnāṃ tadguṇavarṇasnehavaivarṇyopahatānāṃ yavagodhūmakalāyamāṣamasūra mudgagomayacūrṇairmārjanam | tāmrā ṇāmamlalavaṇābhyāṃ kāṃsyānāṃ bhasmanā, kārṣṇāyasānāṃ gharṣaṇai śailānāṃ sikatāgharṣaṇaiḥ, maṇimayānāṃ śilāgharṣaṇāmārjanairiti | manuḥ"taijasānāṃ maṇīnāṃ ca sarvasyāśmamayasya ca | bhasmanā 'dbhirmṛdā caiva śuddhiruktā manīṣibhiri"ti | "tathā rajatakāṃsyānāṃ trapūṇāṃ sīsakasya ca | śaucaṃ yathārhaṃ kartavyaṃ kṣārāmlodakavāribhiḥ” || yogī-"sauvarṇarājatābjānāmūrddhvapātragrahaśmanām | śākarajjumūlaphalavāsovidalacarmaṇām || pātrāṇāṃ camasānāṃ ca vāriṇā śuddhiriṣyate || sphyaśūrpājinadhānyānāṃ musalolūkhalānasām | carusruksruvasnehapātrāṇāyuṣṇena vāriṇā"