Nrisimhaprasada p122.1

p122.1

punaḥ karaṇamanyathā gomūtre vāsa iti vyavasthā | viṣṇuḥ— "sūtikāśavaviṇmūtrarajasvalopahatāni agninā śuddhayantī" ti | yāvatā na naśyanti tāvadagnisaṃyogaḥ | "daśākṣarairviśuddhayanti" iti smaraṇamalpopahativiṣayam | kṣāro bhasma, tena daśa vāraṃ mārjanamabhimatam | aparo viśeṣaḥ| "gaṇḍūṣaṃ pādaśaucaṃ ca na kuryāt kāṃsyabhājane | ṣaṇmāsaṃ tu vinikṣipya punarākāramādiśet" iti | manuḥ— "dravāṇāṃ caiva sarveṣāṃ śuddhirutpavanaṃ smṛtam | api śākaṃ ghṛtaṃ kṣīraṃ snehadravyaṃ palādhikam || prokṣaṇaṃ saṃhatānāṃ ca dāravāṇāṃ ca takṣaṇam" | tathā— lohānāṃ dahanācchuddhirbhasmanā gomayena ca | dahanāt plavasanādvāpi śailānāmambhasā'pi vā || kāṣṭhānāṃ takṣaṇācchuddhirmṛdgomayajalairapi" iti | "madyairmūtraiḥ purīṣaiśca ṣṭhīvanaiḥ pūyaśoṇitaiḥ | saṃspṛṣṭaṃ naiva śuddhayeta punaḥ pākena mṛnmayam" iti manusmaraṇāt | saṃhatapātre viśeṣaḥ— "saṃhatānāṃ tu pātrāṇāṃ yadyekamupahanyate | tasyaiva śodhanaṃ proktaṃ sāmānyaṃ dravyaśuddhikṛt" iti | mṛdbhāṇḍaṃ malopahataṃ punaḥ pākena śuddhayet | “punaḥ pākān mahīmayam” iti yogismaraṇāt | iti śrīmallakṣmīnṛsiṃhacaraṇayugalasaroruhabhramarasakalabhūmaṇḍala maṇḍanasamastayavanādhīśvara śrī nijāmaśāhasamasta sāmrājyadhurandhara śrīmanmahārājādhirājaśrīdalapatirājaviracite śrīnṛsiṃhaprasāde śrāddhasāre suvarṇādiśuddhinirṇayaḥ || athānnaśuddhiḥ | manuḥdevadroṇyāṃ vivāheṣu yajñeṣu prasaveṣu ca | kākaiḥ śvabhiśca yat spṛṣṭaṃ tadannaṃ na vivarjayet || tanmātramannamuddhṛtya śeṣaṃ saṃskāramarhatī”ti | devadroṇī devayātrā |