Nrisimhaprasada p122.2

p122.2

manuḥ“pakṣiṇagdhaṃ gavāghrātamavadhūtamavakṣutam | dūṣitaṃ keśakīṭaiśca mṛtkṣepeṇa viśuddhayati” iti | mṛdgrahaṇamudakādīnupalakṣayati | “salilaṃ bhasma mṛdvā'pi” iti vacanāt || pakṣiṇagdhaṃ pakṣibhakṣitam, avadhūtaṃ pakṣibhirutkṣipya tyaktaṃ vā | avakṣutaṃ yasyopari kṛtaṃ pākottaram | kṛmikīṭanipāte iyaṃ śuddhiḥ | sahapākaścet parityāga eva | parāśaraḥ— “pakvaṃ droṇādhikaṃ tvannaṃ kākaśvādyupaghātitam | grāsamuddhṛtya tanmātraṃ yattu lālāśritaṃ bhavet || hemodakena vā'bhyukṣet jvalanenāmbunā'thavā | agnijvālopasaṃsparśāt suvarṇamadhusarpiṣā || viprāṇāṃ brahmaghoṣeṇa pūtaṃ bhojyaṃ ca tadbhavedi”ti | ṣaṭpañcāśadadhikapalaśatadvayaṃ droṇa ucyate | “annamekāhikaṃ pakvaṃ śvakākādyupaghātitam | keśakīṭāvapannaṃ ca tadapyevaṃ viśuddhayati || krītasyāpi vidhirdṛṣṭa evameva manīṣibhiri”ti jamadagnivacaḥ svalpaviṣayam | atha dravadravyaśuddhiḥ | tatra manuḥ— dravāṇāṃ caiva sarveṣāṃ śuddhirutpavanaṃ smṛtam | prokṣaṇaṃ saṃhatānāṃ ca dāravāṇāṃ ca takṣaṇam” iti || tathā— dravāṇāṃ plāvanenaiva ghanānāṃ prokṣaṇena ca | chāgena mukhasaṃspṛṣṭamannaṃ tacchucitāmiyāt || parpavaṭakādayo ghanā ucyante | dravadravyaṃ gorasaḥ | śrapaṇaṃ ghṛtatailānāṃ plāvanaṃ gorasasya ca | bhāṇḍāni plāvayedbhiḥ śākamūlaphalāni ca” iti || śaṅkhaḥ"utpavanaṃ pūrvabhāgasthitasya kasya cidaṃśasyāpanayanam | adhikaparimāṇāvatāṃ plāvanaṃ dravāṇāṃ tyāga" iti | tatra prakāraḥ | ghṛtatailādīnāṃ kākādyupahatānāṃ prasthamātraparimāṇānāṃ kiṃcit dūrīkṛtya darbhaiḥ pavamānaḥ suvarjana ityanuvākena śuddhiḥ syāt |