Nrisimhaprasada p192.5

p192.5

tā āpo brāhmaṇāḥ pratigrahīṣyan svadhryā arghya iti mantreṇa sthāpayet” ityarghya śaunakasmaraṇāt | arghe dīyamāne saṃsravān patitān prathamaṃ pitṛpātre kṛtvā śrāddhadeśāduttare dakṣiṇāgraṃ satilaṃ kuśastaṃbaṃ nidhāya tasyopari pitṛbhyaḥ sthānamasīti mantreṇa adhomukhaṃ pātraṃ kṛtvā tadupari arghyaṃ pavitraṃ kṛtvā tṛtīyapātreṇāpidhāya tadupari api kuśaṃ datvottarato nidadhyāt | putrakāmaścet pitṛpātrasaṃsravairmukhaṃ mṛjyāt | “prathame pitṛpātre tu sambhṛtyodakasaṃsravān | pranakti vadanaṃ paścāt putrakāmo bhavedyadī”ti smaraṇāt | tathā-“śundhantām̐llokā iti tu siñced bhūmiṃ, kṣipet kuśān” | pitṛbhyaḥ sthānamasīti mantreṇa adhomukhaṃ pātraṃ kṛtvā tadupari arghyapavitraṃ nidadhyāt | “uddharan prathamaṃ pātraṃ pitṝṇāmarghyapātitam | āvṛtāstatra tiṣṭhanti yāvadvipravisarjanam || uddharettu yadā pātraṃ vitataṃ tu yadā bhavet | abhojyaṃ tadbhavecchrāddhaṃ devaiḥ pitṛgaṇairgatairiti || nyubjaṃ pātraṃ kecidarghyadānātpūrvameva kurvanti te bhrāntāḥ ityupekṣyāḥ | “nyubjaṃ kuryātpavitravadi”tyukteḥ | hutvā pātre saṃsravānavanayatītyādi | pātrasthamavaśiṣṭaṃ dravyaṃ saṃsravaśabdenābhidhīyate yadyapi, tathāpi yatra viprahastagalitamudakaṃ saṃsravaśabdenābhidhātuṃ śakyaṃ bhūtapūrvagateḥ, tatra pātram ūrjaṃ vahantīrityetatpiṇḍopari udakaniṣecanaparyantaṃ nyubjaṃ kāryam | tathā ca kātyāyanaḥ“paitṛkaṃ prathamaṃ pātraṃ tasminpaitāmahaṃ nyaset | tṛtoyaṃ ca nyasettatra noddharenna ca cālayet” iti | ityarghyam ||