Nrisimhaprasada p211.5

p211.5

madhyamaṃ tu tathā piṇḍamadyāt samyak sutārthinī” || patnīsannidhānābhāve sapatnyā garbharogavatve vā'jīrṇādṛṣabhaṃ chāgaṃ vā bhojayet tadabhāve ākāśaṃ gamayet piṇḍaṃ vratastho dakṣiṇāmukhaḥ | “pitṝṇāṃ sthānamākāśaṃ dakṣiṇā dik tathaiva ca” | devalaḥ— “agnibrāhmaṇo'jagorvā bhakṣayedapsu veti” | idaṃ putrecchāviṣayam | tīrthaśrāddhe piṇḍanāmapsu prakṣepa iti | vaiśvadevaḥ sarvāhitāgninā śrāddhātpūrvameva kartavyaḥ | anāhitāgniścet śrāddhottarakālamiti vyavasthā ityāhnike | samyag bahūktamityatyalamanena | prauḍha śrī dvijarājavaṃśatilakālaṅkārahīgaḥ prabhurbhāradvājakulānugaḥ prathamayā yaḥ śākhayā'laṅkṛtaḥ | śrīmaddallabhasūnurātmanirataḥ satsampradāyāgraṇīḥ sāre śrāddhavinirṇaye'ti cature śrīmān dalādhīśvaraḥ||1|| nijāmasāha sāmrājyadhurandhara mahīpatiḥ | śrī nṛsiṃhaprasāde'smin sampūrṇāṃ kurute śubham ||2|| iti śrīmallakṣmīnṛsiṃhacaraṇasaroruhabhramarasakala bhūmaṇḍala samastayavanādhāśvara śrīnijāmasāha yājñavalkyaśākhāpravartaka śrīmaddalapatirājaviracite śrīnṛsiṃhaprasāde śrāddhasāraḥ sampūrṇaḥ |