Prataparka 11.p19

11.p19

na niṣedha eva khapuṣpāyamāṇa ityuktam | vastutastu “dīrghakālavrate rajasvalayo: sadhavāvidhavayorubhayoreva pāraṇā, tadbhinnekā hrādi sādhye tu pāraṇādi snātvaivobhayorapi” ityuktam1 | iti navarātra madhye āśaucarajodarśanapāte pāraṇānirṇayaḥ | iyameva vijayadaśamī | sā ca navamī yuktā śravaṇayuktā ca grāhyā | “navamīśeṣayuktāyāṃ daśamyāmaparājitā | dadāti vijayaṃ devī pūjitā jayavarddhanī2 || ekādaśyāṃ na kurvīta pūjanaṃ cāparājitam |” iti skāndāt | ayaṃ ca navamīyogavidhiraikādaśīyoganiṣedhaśca pūrvasyāmeva śravaṇayoge— “daśamīṃ yaḥ samullaṃghya prasthānaṃ kurute naraḥ | tasya saṃvatsaraṃ rājye na kvāpi vijayo bhavet ||“ iti | skāndavacanaṃ tu sati saṃbhave daśamyāmyeva prastheyaṃ na tvālasyādinā tāmullaṃghyaikādaśyāmiti niyamārthaṃ yadā tu pūrvadine śravaṇayogābhāvaḥ, paradine cālpā'pi tadyoginī tadā paraiva | udaye, daśamī kiṃcitsaṃpūrṇekādaśī yadi śravaṇarkṣaṃ yadā kāle sā tithirvijayābhidhā | “śravaṇarkṣaṃ tu pūrṇāyāṃ kākutsthaḥ prasthito yataḥ | ullaṃghayeyuḥ sīmāṃ taddinakṣaṃ tato narāḥ ||” iti kaśyapavacana.t | kāle'parāhne saṃpūrṇaikādaśīti vacanāttadā daśamyāḥ karmakāla vyāptirnapekṣitā | ubhayadine śravaṇayogābhāve tvaparāhnayogavatī daśamī grāhyā | taduktaṃ lallena— “tithiḥ śarīraṃ tithaIREva kāraṇaṃ, tithiḥ pradhānaṃ tithaIREva sādhanam | iti | yadā dinadvaye'parāhnayogo yadā vā pūrvadine aparāhnavyāptiḥ svalpā, paradine tvadhikā | yadā vā dinadvaye'parāhna yogābhāvastadāpi pūrvā, “yā pūrṇā navamī yuktā, tasyāṃ pūjyā'parājitā | kṣemārthaṃ vijayūthaṃ ca pūrvoktavidhinā naraiḥ ||” ityādi skāndāt