Prataparka 11.p20

11.p20

kālatattvavivecana-madanaratna-kṛtyaratnāvalyādāvapi yadottaraiva śravaṇayuktā1'nyathā sarvapakṣeṣu navamīyuktaiva grāhyetyuktam | yattu nirṇayasiṃdhau śravaṇasya rohiṇīvadaprayojakatvamuktaṃ tanmandaṃ dṛṣṭāntāsiddheḥ | tatra sati saṃbhave nirṇayākatva svīkārāt mayūkhakārādayastu sā śamīpūjā sīmollaṃghanādau nakṣatrodayavyāpinī grāhyā | taduktaṃ ratnakoṣe-“īṣatsaṃdhyāmatikrāntaḥ kiṃcidudbhinnatārakaḥ | vijayo nāmaka yogo'yaṃ sarvakāryārthasādhakaḥ ||” iti | dinadvaye tadvyāptau pūrvaiva yā pūrṇānavamītyuktetyādi skāṃdāt | deśāṃtarayātrā hi pūrvoktatārakodayarūpasaṃdhyākāle kuryuḥ | dinadvaye tārakodayakālābhāve paradina ekādaśamuhūrtte yātrā kāryā | “āśvinasya site pakṣe daśamyāṃ sarvarāśiṣu | sāyaṃkāle śubhā yātrā divā vā vijayakṣaṇe ||” ekādaśo muhūrtto'pi vijayaḥ parikīrtitaḥ | tasmin sarvaivativyā yātrā vijayakāṃkṣibhiḥ ||” iti bhṛgūkteḥ | paradine ekādaśamuhūrttavyāptyabhāve'pi śravaṇayogaścettadaiva yātrā kāryā | pūjā tu pūrvadina eva | udaye daśamī kiṃciditi kaśyapokterityāhuḥ | rāmakalpadrumakārāstvaparāhnavyāptyā nirṇayaṃ svīkurvāṇāḥ yastu vijayadaśamīnakṣatrodayavyāpinī grāhyetyāha, so'parāhne pūjādividhānena tasyaiva mukhyakālatvamajānan bhrāntaityupekṣyetyāhuḥ | rājñāṃ paṭṭābhiṣecane tu sarvathottaraiva | “pauṣa3sya daśamīṃ śuklāṃ pūrvaviddhāṃ na kārayet | śravaṇenāpi saṃyuktāṃ rājñāṃ paṭṭābhiṣecane ||” iti jyotirnibandhe nāradokteḥ | aparārke purāṇasamuccaye, “kṛtvā nīrājanaṃ rājā balavṛddhyai yathākramam | śobhanaṃ khaṃjanaṃ paśyejjalagoṣṭhādisannidhau ||” iti | sarve ca janāstasyāmaparāhne grāmasīmānamullaṃghyāparājitāṃ pūjayeyuḥ | tathā purāṇasamuccaye—