Prataparka 12.p77

12.p77

caśuklapakṣe'ṣṭamī caiveti śāstrācca | mārgaśīrṣaśuklacaturdaśyāṃ kāśyāṃ piśācamocanatīrthayātroktā, kāśīkhaṇḍe— “mārgaśuklacaturdaśyāṃ kapardīśvarasannidhau | snātvā'nyatrāpi maraṇātna paiśācyamavāpnuyuḥ || imāṃ sāṃvatsarīṃ yātrāṃ ye kariṣyanti mānavāḥ | tīrtha-tigrahātpāpānnistariṣyanti te dvijāḥ || iti | asyāṃ piśācamocanatīrthe eva śrāddhaṃ tristhalīsetau bhaṭṭairuktam | tasya prāptapaiśācyasvapitrāyuddeśyakatve pārvaṇatvādaparāhṇavyāpinī grāhyā | ajñātanāmakapiśācāyuddeśyakatve tvekoddiṣṭatvānmadhyāhnavyāpinī | kuladharmavratādau tūttaraiveti nirṇayasindhau | māghakṛṣṇacaturdaśyāṃ yamatarpaṇaṃ kāryam | tadāha hemādrau yamaḥ— “anarkābhyudite kāle māghakṛṣṇacaturdaśī | snātaḥ santarpya tu yamaṃ sarvapāpaiḥ pramucyate || iti | atra jīvatpitṛkasyāpi adhikāra ityuktam1 | atha phālgunakṛṣṇacaturdaśī śivarātriḥ | taduktaṃ 2māghasya kṛṣṇapakṣe yā tithiścaiva caturdaśī | śivarātristu sā khyātā sarvapāpaniṣūdinī ||” māghagrahaṇamamāntamāsena | tacca śivarātrivratamekādaśī jayantī vratavaṃ tsaṃyogapṛthaktvanyāyena nityaṃ kāmyaṃ ca | tatra nityatvama “parātparataraṃ nāsti śivarātriḥ parātparam | na pūjayati bhaktyeśaṃ rudraṃ tribhuvaneśvaram | janturjanma sahasreṇa bhramate nātra saṃśayaḥ ||” ityakaraṇe pratyavāyaśravaṇāt— “varṣe varṣe mahādevi ! naro nārī pativratā | śivarātrau mahādevaṃ kāmaṃ bhaktyā prapūjayet ||”