Prataparka 13.p145

13.p145

iti manuvacanāditi kecit | kṛṣṇapakṣe sāmānyaśrāddha eva darśanaliyama ityanye | śrāddhāṃgatarpaṇaṃ tu pakṣaśrāddhe śrāddhottaraṃ pratyūham ^1sakṛnmahālaye tu paredyuḥ | taduktaṃ nāradīye— “pakṣaśrāddhaṃ yadā kuryāttarpaṇantu dine dine | sakṛnmahālaye caiva ^2taduktaṃ hyapare'hani ||” iti | prayogapārijāte gargaḥ— “kṛṣṇe bhādrapade māsi śrāddhaṃ pratidinaṃ bhavet | pitṝṇāṃ pratyahaṃ kāryaṃ niṣiddhe'pi ca tarpaṇam || sakṛnmahālaye'śvaḥ syādāṣṭako svanta eva hi | pakṣaśrāddhe hiraṇye ca anuvrajya tilodakam || iti | idaṃ niṣiddhadine'pi kāryam | “tithitīrthaviśeṣe ca gayāyāṃ pretapakṣake | niṣiddhe'pi dine kuryāttarpaṇaṃ tilamiśritam ||” iti smṛtiratnāvalyāṃ vacanāt | idaṃ śrāddhaṃ cānnenaiva karttavyam na tvāmaśrādinā— “mṛtāhaṃ ca sapiṃḍaṃ ca gayāśrāddhaṃ mahālayam | āmānnenāpa na kurvīta śrāddhamāsena karhicit ||” iti smṛtidarpaṇe gālavoktaḥ yadi kenacitpratibandhena mahālayāparapakṣe sakṛtpakṣeṇāpi śrāddhaṃ na kṛtam | tadaitadanantaraṃ śuklapaṃcamīṃ yāvat kasmiṃściddine kāryam | “haṃse varṣāsu kanyāsthe śākenāpi gṛhe vasan | paṃcamyorantare kuryādubhayorpi pakṣayoḥ ||” iti yamavacanāt | atrāsaṃbhave tulāsaṃkrānti yāvat, tatrāpyasaṃbhave vṛścikasaṃkrānti yāvat kasmiṃściddine— tāvacchāddhasya kālaḥ syācchūnyaṃ pretapuraṃ tathā ||” iti brahmapurāṇāt | “yāvacca kanyātulayoḥ kramādaste divākare