Prataparka 2.p75

2.p75

tatra śāvasūtayāśaucayoḥ sarvasmārtakarma nivṛttiḥ |" sūtake ca samutpanne jvarakarmaṇi maithune | dhūmnodvāre tathā vāṃtau nityakarmāṇi santyajet | drave bhukte tvajīrṇe ca naiva bhuktā'pi kiṃcana | karma kuryānnaro nityaṃ sūtake mṛtake tathā ||" iti kālikā purāṇāt | gauḍāstu kṣatāśaucādāvapi tāmāhuḥ paṭhanti ca-" jānūrdhvaṃ kṣataje jāte nitya karma na cācaret | naimittikaṃ ca tadadhaḥsravadrakto na cācaret ||" iti hemādrau | pādme - "garbhiṇī sūtikādiśca kumārī vātha rogiṇī | yadā'śuddhā tadānena kārayetprayatā svayam" iti, puṃso'pyeṣa vidhiḥ liṃgasyāvivakṣitatvāt | tena yasmin vrate yatpūjādyuktaṃ tadanyena kārayet śārīraniyamān svayaṃ kuryāditi hemādriḥ | śuddhitattve viṣṇuḥ- "bahukālikasaṃkalpo gṛhītaśca purā yadi | sūtake mṛtake caiva vrataṃ tannaiva duṣyati |" etat kāmyaparaṃ nityaṃ tvanārabdhamapīha vā || iti gauḍā | madanaratne" pūrvasaṃkalpitaṃ yacca vrataṃ suniyatavrataiḥ tatkarttavyaṃ naraiḥ śrāddhadānārcanavivarjitam |" iti mādhavīye | kaurme-"kāmyopavāse prakrānte tvantarā mṛtasūtake | tatra kāmyavrataṃ kuryāddānācaṃnavivarjitam || iti satyavrataḥ | 'prārabdhadīrghatapasāṃ nārīṇāṃ yadrajo bhavet | na tatrāpi vratasyasyāduparodhaḥ kadācana |" iti tatpratinidhinā kārayedityetatparaṃ, taduktaṃ madanaratne