Prataparka 2.p87

2.p87

navarātrārambhanirṇayaḥ-asyāmeva navarātrārambhaḥ | taduktaṃ mārkaṇḍeya purāṇe“śaratkāle mahāpasinglepūjā kriyate yā ca vārṣikī” iti malamāsapāte tūtkarṣa iti kṛtyaratnāvalyām | tatrātithiḥ parayutaiva grāhyā | amāyuktā na karttavyā pratipaccaṇḍikārcanam | muhūrttaṃmātrā karttavyā dvitīyādiguṇānvitā ||” iti devīpurāṇāt | viśeṣastu śāradanavarātre vakṣyate | atra prapādānamuktamaparārke bhaviṣye--“atīte phālgune māsi prāpte caitramahotsave | puṇye'hni viprakathite prapādānaṃ samārabhet ||” iti | prapādānāsāmarthye dharmaghaṭadānamuktam | tatraiva prapāṃ dātumaśaktena viśeṣāddharmamīpsunā | pratyahaṃ dharmaghaṭako vastrasaṃveṣṭitānanaḥ || brāhmaṇasya gṛhe deyaḥ śītā malajalaḥ śuciḥ ||” iti iyameva śvetakalpādiḥ