Prataparka 2.p88

2.p88

asyāmevaśvetakalpārambhastatprayuktaśrāddhe pārvaṇātideśaprātaraparāhrakālikī |” athātra prasaṃgātkalpādavya ucyante | taduktaṃ hemādrau nāgarakhaṇḍe“atha kalpādayaḥ puṇyā kathyante tithayaḥ śubhāḥ | yāsu śrāddhe kṛte tṛptiḥ pitṝṇāmakṣayā bhavet || caitraśuklapratipadi śvetakalpaḥ purā'bhavat | tasya śuklatrayodaśyāmūdānaḥ samajāyata || kalpastu nārasiṃhākhyaḥ kṛṣṇāyāṃ pratipadyabhūt |” atha kṛṣṇatrayodaśyāṃ gaurīkalpo'pyakalpata | vaiśākhasya dvitīyāyāṃ śuklāyāṃ nīlalohitaḥ || caturdaśyāṃ tu śuklāyāṃ pravṛtto gāruḍābhidhaḥ | samānastu dvitīyāyāṃ kṛṣṇāyāmudapadyata || māheśvaraścaturdaśyāṃ kṛṣṇapakṣe samāgamat | jyeṣṭhaśuklatṛtīyāyāṃ vāmadevasya saṃbhavaḥ || paurṇamāsyāṃ tu tasyaiva kaurmaḥ pravṛte nṛpa | kṛṣṇapakṣe tṛtīyāyāmāgneyaḥ samagacchata || paṃcadaśyāṃ tu kṛṣṇāyāṃ pitṛkalpaḥ samāgamata | śuklāṃ caturthīmāyāte1 prāpyarāthantaro'bhavat || caturthyāṃ tasya kṛṣṇāyāṃ somakalpaḥ samāpatat | śrāvaṇe śuklapaṃcamyāṃ rauravaḥ samavartata || tasyaiva kṛṣṇapaṃcamyāṃ mānavaḥ pratyapadyata | ṣaṣṭhīṃ prauṣṭhapade śuklāṃ prāpya prāṇābhidho'bhavat || sitetarāyāṃ ṣaṣṭyāṃ tu tasya tatpuruṣāhvayaḥ | vṛhatkalpastu saptamyāṃ śuklāyāmāśvinasya tu || kṛṣṇāyāmapi vaikuṇṭha praviveśa viśāṃpate | kārtikasya sitāṣṭamyāṃ kalpaḥ kandarpasaṃjñakaḥ || asitāyāṃ punarjajñe lakṣmī kalpasya kalpanā | mārge śuklalavamyāṃ tu kalpaḥ sahyo'bhyapadyata || asitāyāṃ tu sāvitrī kalpaḥ prārambhamabhyayāt | pauṣe daśamyāṃ śuklāyāmīśānaḥ prādurāsa ha || asitāyāmaghorasya kalpasyopakramo'bhavat | ekādaśyāṃ tu śuklāyāṃ māghe vyānaḥ prajagmivān || tasyāmeva tamisrāyāṃ vārāhaḥ