Prataparka 4.p45

4.p45

tatra śuklā parākṛṣṇā tu pūrvāhne cettadā pūrvā grāhyeti hemādriḥ| kṛṣṇadvitīyādimāpūrvāhne yadi sā sitā tu parataḥ sarveti dīpikokteḥ| madanaratne'pi śuklā parākṛṣṇāpūrvetyuktam| mādhavastūpavāse pūrvedyustrimuhūrttātmakaprātaḥkāle'satīparadinetrimuhūrttagā sā parā'nyā tu sarvā'pi pūrvevetyāhuḥ| "pūrvedyurasatī prātaḥ paredyustrimuhūrttagā| sā dvitīyā paropoṣyā pūrvaviddhā na te'parā||" iti tadukteḥ| kecittu yugmāgnītivacanā-dekādaśyaṣṭamī ṣaṣṭhī dvitīyā ca caturdaśī| trayodaśī amāvaśyā upoṣyāsyuḥ parānvitā||" iti| viṣṇudharmottarācca sarvāpi dvitīyā paraivetyāhuḥ| atha dvitīyāviśeṣanirṇayaḥtatra caitrakṛṣṇādvitīyā kāmamahotsave pūrvaviddhā grāhyā "pratipatsadvitīyā syāt dvitīyā pratipadyutā|" iti yugmavākyāccaitraśukladvitīyāyāmumāśivāgnipūjā kāryetyuktam bhaviṣyottare| "caitraśukladvitīyāyāmumāpūjā phalārthibhiḥ| śivapūjāgnipūjā ca karttavyā munisattama||" iti| iyameva bālenduvrate naktakālīnā "ghṛtena havanaṃ kṛtvā naktaṃ bhuṃjīta vāgyataḥ" iti liṃgādvaiśākhaśukladvitīyānīlalohitakalpādiḥ| iyameva kūrmajayantī| sā sāyaṃkālavyāpinī grāhyā jyeṣṭhakṛṣṇādvitīyāsamānakalpādiḥ| jyeṣṭhaśukla dvitīyā kalkijayantī| taduktam- "jyeṣṭhaśukladvitīyāyāṃ bauddhakalkī bhaviṣyatī" ti| iyaṃ sopapadā, taduktaṃ kālādarśe"sitā jyeṣṭhadvitīyā ca āśvine daśamī sitā| caturthīdvādaśīmāghe etāḥ sopapadaḥ smṛtāḥ||" iti