Prataparka 8.p119

8.p119

mārgaśīrṣādipaurṇamāsī catuṣṭayānantarā tu pauṣakṛṣṇāṣṭa mīprabhṛtiṣu catasṛṣvaṣṭamīṣvaṣṭamāśrāddhaṃ kāryam | tatpūrvasaptamīṣu pūrvedyuḥ śrāddham | taduttaranavamīṣu cānvaṣṭakyaṃ kāryam | aśakta ekasyāṃ vā kuryāt | hemaṃta śiśirayoścaturṇāmaparapakṣāṇāmaṣṭamīṣvaṣṭakā | ekasyāṃ vā pūrvedyuḥ pitṛbhyo dadyādaparedyurānvaṣṭakyamityāśvalāyanokteḥ | hemantaśiśira iti ṛtusajñeti ṛtunirūpaṇaprastāve uktam | tathā ca hemantaśiśirayoścaturvvasitapakṣeṣvaṣṭamyaścatasro'pyaṣṭakāḥ ekasyāmaṣṭamyāṃ vai kāryeti haradattaḥ | kvacitpaṃcamyuktā prauṣṭapadyaṇakā bhūyaḥ pitṛloke bhaviṣyasīti pādmavacanāt | kālādarśo'pi— “mārgaśīrṣe ca pauṣe ca māghe prauṣṭe ca phālgune | kṛṣṇapakṣe ca pūrvedyurānvaṣṭakyaṃ tathāṣṭakā ||” iti